पोदार लर्न स्कूल, वाढोणा येथे भव्य रक्तदान शिबिर

कार्यक्रमाच्या अध्यक्षस्थानी शाळेचे अध्यक्ष विनायकराव जाधव, शाळेच्या कोषाध्यक्षा ज्योती जाधव, अमृता ब्लड बँक, औरंगाबादच्या संचालिका श्वेता मॅडम, जय लखमा डीएमएलटी कॉलेजचे अध्यक्ष सचिन गांजरे, शाळेच्या प्राचार्या मेघा वैष्णव, पोदार जम्बो किड्स, हेड सीमा मापारी, शाळेचे प्रशासक पवन जाधव, शाळेतील शिक्षक, शिक्षकेतर कर्मचारी उपस्थित होते. सर्वप्रथम अध्यक्षांच्या हस्ते माता सरस्वती, वसंतराव नाईक, माणिकराव जाधव यांच्या प्रतिमेचे पूजन करून दीपप्रज्वलन व हार अर्पण करण्यात आले. प्रास्ताविक शाळेतील शिक्षक अभय औंढेकर यांनी केले. अध्यक्षीय भाषणात विनायक जाधव यांनी रक्तदान शिबिराचे महत्त्व पटवून देताना सामाजिक बांधीलकी जपण्यासाठी शाळेच्या माध्यमातून या प्रकारचे विविध कार्यक्रम आयोजित करणार आहोत. जेणेकरून समाजाला काहीतरी आपली मदत होईल. यासोबतच शाळेच्या प्राचार्या व इतर मान्यवरांची समायोचित भाषणे झाली. या भव्य रक्तदान शिबिरासाठी परिसरातील नागरिकांचा, तसेच पालकांचा चांगला प्रतिसाद मिळाला. अभय औंढेकर यांनी आभार मानले.