राज्य सहकारी दुग्ध महासंघाचे माजी उपाध्यक्ष वामनराव देशमुख आणि त्यांच्या पत्नी छाया देशमुख या दोघांनीही उमेदवारी अर्ज दाखल केले आहेत. पगारदार नोकर पतसंस्था व इतर सभासद मतदारसंघातून वामनराव देशमुख, महिला मतदारसंघातून छाया देशमुख, माळेगावच्या मंदा चौधरी, अकोला जिल्ह्यातील भारती गावंडे यांच्यात थेट लढत होणार आहे. पगारदार मतदारसंघातून वामनराव देशमुख व हिदायत पटेल यांच्यात लढत होईल. महिलांकरिता राखीव मतदारसंघातूून माळेगाव येथील मंदा चौधरी पुन्हा एकवेळ निवडणूक रिंगणात उतरल्या असून त्यांची लढत छाया देशमुख व अकोल्याच्या भारती गावंडे यांच्याशी होणार आहे.
तालुकानिहाय सेवा सहकारी संस्था मतदारसंघातून माजी संचालक तथा बाजार समितीचे विद्यमान संचालक प्रकाश पाटील कुटे यांच्या विरोधात रामनगर येथील दिलीपराव जाधव निवडणूक रिंगणात आहेत. माधवराव काकडे आणि बाजार समितीचे माजी सभापती भागवतराव कोल्हे यांच्यात काट्याची लढत, तर कारंजा येथे संचालक श्रीधर पाटील कानकिरड व विजय पाटील काळे परस्परांविरोधात उभे ठाकले आहेत. मानोरा तालुक्यात कारपा येथील तुषार पाटील इंगोले यांना उमेदवारी मिळाली आहे. विद्यमान संचालक उमेश ठाकरे व माजी संचालक सुरेश गावंडे यांच्यात तिरंगी लढत होत आहे.