स्कूटरच्या डिक्कीतून लाख रुपये लंपास

व्यापा-याचे एक लाख रुपये अज्ञात चोरट्याने लंपास केले.

वाशिम: बँकेमधूप ह्यडिमान्ड ड्राफ्टह्ण काढण्यासाठी स्कूटरच्या डिक्कीमध्ये ठेवलेले व्यापार्‍याचे एक लाख रुपये अज्ञात चोरट्याने लंपास केले. ही घटना ११ फेब्रुवारीला दुपारी १:३0 वाजताच्या सुमारास पाटणी चौकातील एका स्टिल होमसमोर घडली. अकोला महामार्गावर असलेल्या मथुरा हॉटेलचे संचालक शंकर नारायणराव वानखेडे यांनी ह्यडिमान्ड ड्राफ्टह्ण काढण्यासाठी स्कूटरच्या डिक्कीमध्ये एक लाख रुपये ठेवले होते. भारतीय स्टेट बँकेमध्ये ह्यडी.डी.ह्ण काढण्यासाठी दुपारी १ वाजताच्या सुमारास गेले असता ह्यडी.डी.ह्ण चे काऊंटर बंद झाले होते. डिक्कीमधून काढलेले एक लाख रुपये वानखेडे यांनी परत डिक्कीमध्ये ठेवून पाटणी चौकामध्ये असलेल्या एका स्टिल होममध्ये वस्तू खरेदी करण्यासाठी गेले. वानखेडे यांच्यावर पाळत ठेवून असलेल्या चोरट्याने संधीचा फायदा घेत स्कूटरची डिक्की तोडून त्यामधील एक लाख रुपये लंपास केले. वानखेडे यांनी शहर पोलीस स्टेशनमध्ये फिर्याद दाखल केली. या फिर्यादीहून पोलिसांनी अज्ञात चोरट्याविरुद्ध चोरीचा गुन्हा दाखल केला. या घटनेचा अधिक तपास शहर पोलीस करीत आहेत.