या आदेशानुसार बचत (सेव्हिंग) खातेधारक ग्राहकांना बँकेमध्ये प्रवेश देताना त्यांच्या बचत खाते क्रमांकाच्या शेवटच्या अंकानुसार दिवस ठरवून देण्यात आले आहेत. खाते क्रमांकाचा शेवटचा अंक ० अथवा १ असल्यास सदर ग्राहकांना बँकेत केवळ सोमवारी प्रवेश मिळेल. त्याचप्रमाणे खाते क्रमांकाचा शेवटचा अंक २ किंवा ३ असल्यास मंगळवारी, ४ किंवा ५ असल्यास बुधवारी, ६ किंवा ७ असल्यास गुरुवारी आणि ८ किंवा ९ असल्यास शुक्रवारी बँकेत प्रवेश दिला जाईल. तसेच प्रत्येक महिन्यातील पहिला, तिसरा व पाचवा शनिवार बँकेच्या अंतर्गत कामकाजाचा दिवस राहील. त्यादिवशी ग्राहकांना त्यांच्या कामासाठी बँकेत प्रवेश असणार नाही, असे आदेशात नमूद करण्यात आले आहे.
.....
दुध संकलन व विक्री वेळेत बदल
३० एप्रिल २०२१ रोजीच्या आदेशानुसार जिल्ह्यात संचारबंदी काळात दुध संकलन व विक्रीकरीता सकाळी ७ ते ११ वाजेपर्यंत व सायंकाळी ५ ते ७ वाजेपर्यंत वेळ निश्चित करण्यात आली होती. या वेळेमध्ये अंशतः बदल करण्यात आला असून दुध संकलन व विक्रीची वेळ आता सकाळी ७ ते ११ वाजेपर्यंत आणि सायंकाळी ६ ते रात्री ८ वाजेपर्यंत राहणार आहे.