-----------------
१५ बाधितांवर विलगीकरणात उपचार
कामरगाव : परिसरात कोरोना संसर्गाचे रुग्ण वाढतच आहेत. त्यात कामरगाव येथे सोमवारी आणखी १५ जणांना कोरोना संसर्ग असल्याचे निदान झाले. त्या सर्वांवर विलगीकरणात ठेवून आरोग्य विभाग उपचार करीत आहेत.
----------------
विलगीकरणातील व्यक्तींचा गावात संचार
धनज बु. : कोरोना संसर्गाचे निदान झालेल्या व्यक्तींना गृहविलगीकरणात राहण्याचे निर्देश प्रशासन आणि आरोग्य विभागाने दिले असताना परिसरात गेल्या काही दिवसांपासून विलगीकरणातील रुग्ण गावात फिरत असून, यावर नियंत्रणाची मागणी गावकऱ्यांनी मंगळवारी केली.
-----------------
बाधितांच्या संपर्कातील व्यक्तीच्या माहितीचे संकलन
धनज बु. : येथून जवळच असलेल्या मेहा येथील तिघांना कोरोना संसर्ग असल्याचे निदान सोमवारी झाले. त्यामुळे आरोग्य विभागाने या कोरोना बाधितांच्या संपर्कातील व्यक्तींच्या माहितीचे संकलन सुरू केले असून, त्यांची कोरोना चाचणी केली जात आहे.