इनरव्हील क्लबने दिला अनाथ बालिकेला आश्रय

जन्मदाता पिता दशरथ हा नेत्रहीन आहे. आईचे छत्र हरविलेल्या तृप्ती या मुलीला पुढील संगोपनासाठी इनरव्हीलने दत्तक घेतले. चेतन सेवांकुर येथे राहणाऱ्या दशरथ व उज्ज्वला जोगदंड यांची एक महिन्याची ही मुलगी आई उज्ज्वला हिचे अपघाती निधन झाल्यामुळे पोरकी झाली आहे. वडील अंध असल्यामुळे मुलीच्या भवितव्याचा विचार करून इनरव्हील क्लबच्या पदाधिकाऱ्यांनी मुलीला दत्तक घेण्याचा निर्णय घेतला. केकतउमरा येथे जाऊन इनरव्हील क्लबचे अध्यक्ष प्रा. डॉ. मेघा देशमुख, डॉ. शुभांगी दामले, मंगला शिंदे, संध्या राठोड यांनी स्व. उज्ज्वला जोगदंड यांना क्लबच्यावतीने अभिवादन केले व छोट्या बाळासाठी कपडे, दुधाची बॉटल व इतर काही साहित्य देण्यात आले. बाळाच्या गरजेचे हे सर्व साहित्य संध्या राठोड यांच्याकडून देण्यात आले. याप्रसंगी क्लबचे पदाधिकारी व चेतन सेवांकुर येथील उचितकर कुटुंबातील सर्व सदस्य उपस्थित होते.