वारला येथे जुगार अड्डय़ावर धाड

जुगार खेळत असल्याची माहिती मिळताच वारला शिवारामध्ये जुगार अड्डय़ावर धाड; दोन जण रंगेहाथ

अनसिंग : जुगार खेळत असल्याची गुप्त माहिती मिळताच वारला शिवारामध्ये जुगार अड्डय़ावर १ जुलैला दुपारी टाकलेल्या धाडीमध्ये दोन जण रंगेहाथ सापडले असून, तीन आरोपी फरार झाल्याची घटना घडली. त्यांच्याकडून २६00 रुपये रोख व साहित्य जप्त करण्यात आले.जुगार अड्ड्याची माहिती मिळताच ठाणेदार आशिष बेकल व बिट जमादार प्रकाश अहिर यांनी वारला शिवारात धाड टाकली असता बालाजी नामदेव नप्ते, अनिल जयवंतराव नप्ते, राजू मस्के, ग्यानु, चंदु कांबळे हे जुगार खेळताना आढळले.त्यापैकी बालाजी नप्ते व अनिल नप्ते यांना रंगेहाथ पकडून त्यांच्यावर कलम १२ मुंबई जुगार अँक्टनुसार गुन्हा दाखल करुन अटक केली व तीन आरोपी फरार आहेत.