-----------------
जामदरा घोटी प्रकल्पाची दुरुस्ती प्रलंबित
वाशिम : मानोरा तालुक्यातील जामदरा घोटी येथे उभारलेल्या सिंचन प्रकल्पाच्या गेटमधून पाणी वाहून गेल्याने काठोकाठ भरलेला हा प्रकल्प उन्हाळ्यापूर्वीच आटला. वर्षभरापासून दुरुस्तीच न केल्याने हा प्रकार घडला असून, अद्यापही या प्रकल्पाची दुरुस्ती झालेली नाही.
----------------
बंद पडलेले हातपंप सुरू करावेत !
वाशिम : कारंजा तालुक्यातील अनेक गावांतील हातपंप मागील बऱ्याच महिन्यांपासून बंद आहेत. येणाऱ्या जाणाऱ्या वाटसरूंना हातपंपांवर पिण्यासाठी पाणी मिळावे, म्हणून हे हातपंप दुरुस्त करण्याची मागणी सामाजिक कार्यकर्त्यांनी शुक्रवारी केली आहे.
-------------
सर्दी, खोकल्याच्या रुग्णांची तपासणी
वाशिम : सर्दी, खोकला, ताप आदी आजार असलेल्या रुग्णांवर वेळीच उपचार व्हावेत म्हणून कारंजा तालुका आरोग्य विभागाने मोहीम सुरू केली आहे. याअंतर्गत ग्रामीण भागांत अनेक रुग्णांची तपासणी शनिवारी करण्यात आली.
------------
आरोग्यविषयक माहितीचे संकलन
वाशिम : ग्रामीण भागात कोरोना विषाणूचा संसर्ग होऊ नये, यासाठी सहकार्य करण्यासाठी सरपंचांच्या अध्यक्षतेखाली ग्रामसमिती स्थापन करण्यात आली आहे. इंझोरीत या समितीकडून शुक्रवारी ग्रामस्थांच्या आरोग्याची माहिती घेण्यात आली.
------
शेतकऱ्यांना नुकसानभरपाईची प्रतीक्षा
वाशिम : गतवर्षी ३१ मार्च ते १ एप्रिल दरम्यानच्या अवकाळी पावसामुळे धनज बु परिसरात फळबागांसह पिकांचे नुकसान अतोनात झाले; मात्र नुकसानग्रस्त भागांचे पंचनामे होऊनही शेतकरी मदतीपासून वंचित राहिले. त्याची दखल घेण्याची मागणी आहे.
-----
पोहरादेवी मंदिर परिसरात शुकशुकाट
पोहरादेवी : कोरोना विषाणू संसर्गामुळे प्रार्थनास्थळे बंद ठेवण्याचे आदेश आहे. त्यामुळे भाविक मंदिरांकडे येत नसल्याने पोहरादेवी मंदिर परिसरात सकाळ व सायंकाळची वेळ सोडल्यास दिवसभर शुकशुकाट राहत आहे.