...............
नियमित पाणीपुरवठा करण्याची मागणी
वाशिम : शहरातील अल्लडा प्लॉट परिसरातील संभाजीनगर भागात गेल्या अनेक दिवसांपासून पाणीपुरवठा अनियमित झाला आहे. यामुळे रहिवासी हैराण झाले असून, वापराकरितासुद्धा पाणी विकत घेऊन गरज भागवावी लागत आहे. नियमित पाणी पुरविण्याची मागणी नगर परिषदेकडे नागरिकांनी निवेदनाव्दारे केली आहे.
..................
‘त्या’मुळे थांबली ‘रोहयो’ची कामे
वाशिम : मालेगाव तालुक्यातील ग्रामपंचायतींमध्ये रोजगार हमी योजनेंतर्गत करण्यात आलेल्या विविध कामांमध्ये कोट्यवधी रुपयांचा घोटाळा झाला. यामुळे कारवाईचे सत्र सुरू असून ‘रोहयो’ची कामे थांबली आहेत.
.............
समृद्ध गाव स्पर्धेअंतर्गत मार्गदर्शन
कारंजा : समृद्ध गाव स्पर्धेत जानोरी गावाचा समावेश आहे. या गावात जलसंधारणाची विविध कामे केली जात असून, यासाठी रोहयोचाही आधार घेतला जात आहे. कामांबाबत पानी फाउंडेशनच्या तालुका समन्वयकांनी ग्रामस्थांना मार्गदर्शन केले.