ट्रक अपघातात चार जण जखमी

ट्रक व कंटेनर या दोन वाहनांत समोरासमोर धडक झाल्याने चार जण जखमी झाले.

जऊळका रेल्वे (जि. वाशिम): : ट्रक व कंटेनर या दोन वाहनांत समोरासमोर धडक झाल्याने चार जण जखमी झाले. ही घटना जउळका रेल्वेनजीक पॉवर हाऊसजवळ ११ ऑक्टोबर रोजी सायंकाळी ६.३0 वाजताच्या दरम्यान घडली. कामठी (नागपूर) येथील एम.एच.४0 वाय. ३८१५ क्रमांकाचा आयशर १५ ते २0 म्हशी घेऊन नागपूर-औरंगाबाद द्रुतगती मार्गाने औरंगाबादकडे जात होता. जऊळका रेल्वे परिसरात पॉवर हाऊसजवळ समोरून येणार्‍या कंटेनरला ट्रकची जबर धडक बसली. यामध्ये ट्रक व कंटेनरमधील चार जण जखमी झाल्याची माहिती आहे. ट्रकमधील म्हशी गंभीर जखमी झाल्यात. ट्रक कामठी येथील वकील अहेमद यांच्या मालकीचा असल्याचे चालकाने पोलिसांना सांगितले. सदर म्हशी औरंगाबाद येथे नेमक्या कशासाठी नेल्या जात होत्या याची माहिती मिळू शकली नाही. अपघातप्रकरणी गुन्हा दाखल करण्याची प्रक्रिया सुरू होती.