पहिल्याच मासिक सभेवर नवनिर्वाचित पाच सदस्यांचा बहिस्कार

ग्राम वनोजा येथील ग्रामपंचायतीत शुक्रवारी मासिक सभेचे आयोजन करण्यात आले होते. या सभेपूर्वीच नवनिर्वाचित सदस्यांनी मागील सभेच्या खर्चाचा हिशोब, तसेच ग्रामपंचायतीचा सामान्य फंड सर्व योजना, वेतन, भत्ते आदींसह बँक खात्यामध्ये जमा असलेली रक्कम व मागील वर्षी कोणत्या प्रभागात किती निधी कोणत्या कामावर खर्च करायचा होता व किती निधी प्रत्यक्ष खर्च केला. तसेच किती निधी शिल्लक आहे. अशी माहिती लेखी स्वरूपात ग्रामसचिवांकडे लेखी निवेदनाद्वारे मागितली होती. मात्र ग्रामसचिव पंडित राठोड यांनी उडवाउडवीची उत्तरे देऊन माहिती दिली नाही. त्यामुळे सभेते काही वेळ गोंधळ निर्माण झाला होता. मुळे पाच नवनिर्वाचित सदस्यांनी पहिल्याच मासिक सभेवर बहिष्कार टाकला. यामुळे गावामध्ये चांगलीच चर्चा रंगली होती. पहिल्याच मासिक सभेवर बहिष्कार टाकल्यामुळे या पाच वर्षांत गावाचा विकास होणार की नाही, अशी चर्चा गावातील नागरिक करताना दिसले.