जिल्ह्यात कोरोना रुग्णांची संख्या कमी होत असल्याचे दिसून येते. नव्याने कोरोना रुग्ण आढळून येत असले तरी कोरोनावर मात करणाऱ्यांची संख्यादेखील वाढत असल्याचे दिसून येते. मंगळवारी नव्याने ११० रुग्ण आढळून आले, तर २७० रुग्णांनी कोरोनावर मात केल्याने त्यांना डिस्चार्ज देण्यात आला. आणखी पाचजणांचा मृत्यू झाल्याची नोंदही मंगळवारी पोर्टलवर घेण्यात आली. जिल्ह्याबाहेरील ७ बाधितांची नोंद झाली आहे. आतापर्यंत कोरोनामुळे ५८३ जणांचा मृत्यू झाला. कोरोनाबाधितांची संख्या कमी होत असली तरी धोका अजून टळलेला नाही. त्यामुळे नागरिकांनी आवश्यक ती काळजी घ्यावी, बाजारपेठेत तसेच सार्वजनिक ठिकाणी गर्दी करू नये, असे आवाहन आरोग्य विभागासह जिल्हा प्रशासनाने केले.
००००००००००००
१९९३ सक्रिय रुग्ण
मंगळवारच्या अहवालानुसार, नव्याने ११० रुग्ण आढळून आले, तर २७० रुग्णांनी कोरोनावर मात केली आहे. सध्या सरकारी कोविड केअर सेंटर, कोविड हॉस्पिटल, खासगी कोविड हॉस्पिटल, गृहविलगीकरणात असे एकूण १९९३ रुग्ण सक्रिय आहेत.
0000000000
रिसोड शहर निरंक
मंगळवारच्या अहवालानुसार, रिसोड शहरात कोरोनाचा एकही रुग्ण आढळून आला नाही, ही बाब शहरवासीयासांठी तूर्तास दिलासादायक ठरत आहे. रिसोड शहरात जून २०२० मध्ये कोरोनाचा शिरकाव झाला होता. दरम्यान, मंगळवारच्या अहवालानुसार, रिसोड तालुक्यातील भर जहांगीर- १, चिंचाबापेन- ६, गौंढाळा- ३, जोगेश्वरी- १, कळमगव्हाण- १, केनवड- १, मोप- २, नेतन्सा- १, पिंप्री सरहद- १, सवड- १ अशा १८ जणांना कोरोना संसर्ग झाल्याचे निष्पन्न झाले.