पाच आरोपीस एक दिवसाची पोलीस कोठडी

दारूचे दुकान फोडून केली होती चोरी.

रिसोड, दि. ९- तालुक्यातील वाकद येथील देशी दारूचे दुकान फोडून ९0 हजारांचा माल लंपास झाल्याच्या घटनेतील पाच आरोपीस ९ जानेवारी रोजी न्यायालयात हजर केले असता, विद्यमान न्यायालयाने आरोपींना एक दिवसाची पोलीस कोठडी सुनावली. वाकद येथील दुकानातून देशी दारूच्या पेट्या अज्ञात चोरट्यांनी ६ जानेवारी रोजी लंपास केल्या होत्या. वाशिम व रिसोड येथील पोलिसांनी या घटनेचा तपास अवघ्या ४८ तासात लावला. या घटनेतील आरोपीस हिंगोली येथून ८ जानेवारीला ताब्यात घेतले. या आरोपीमध्ये चंदनलाल जैस्वाल, तुकाराम काळे, बालाजी काळे, पांडुरंग पवार व सं पतराव घुगे यांचा समावेश आहे. ९ जानेवारी रोजी न्यायालयात हजर केले असता विद्यमान न्यायाधीशांनी सर्व आरोपींना एक दिवसाची पोलीस कोठडी सुनावली आहे. या घटनेचा तपास पीएसआय विजय रत्नपारखी करीत आहे.