गोठ्याला आग; दीड लाखांचे नुकसान!

गुराच्या गोठ्यास गुरुवारी दुपारी ४:३० वाजताचे दरम्यान अचानक आग लागली. त्यात सुमारे दीड लाख रुपयांचे नुकसान झाल्याचा अंदाज वर्तविला जात आहे.

शेलूबाजार : येथून जवळच असलेल्या ग्राम नागी येथील दामोदर रामचंद्र राऊत यांच्या नागपूर-औरंगाबाद द्रूतगती मार्गावरील शेतात असलेल्या गुराच्या गोठ्यास गुरुवारी दुपारी ४:३० वाजताचे दरम्यान अचानक आग लागली. त्यात सुमारे दीड लाख रुपयांचे नुकसान झाल्याचा अंदाज वर्तविला जात आहे.याबाबत प्राप्त माहितीनुसार, शेतकरी राऊत यांच्या शेतातील गोठ्यास अचानक आग लागून ४० पत्रे, लोखंडी अँगल, ५ ट्रॉली कुटार, पाइप, केबल, तुरीचे कट्टे तसेच बाजूलाच असलेल्या मळ्यातील उसाच्या बागेला आगीची जबर झळ पोहोचली. या घटनेत त्यांचे सुमारे दीड लाख रुपयांचे नुकसान झाले.