हिरंगी येथे आग; एक लाख रुपयांची वित्तहानी!

शेलूबाजार : येथून जवळच असलेल्या हिरंगी येथे २३ जुलैच्या मध्यरात्री घराला आग लागून सुमारे १ लाख रुपयांची वित्तहानी झाल्याची घटना घडली.

लोकमत न्यूज नेटवर्कशेलूबाजार : येथून जवळच असलेल्या हिरंगी येथे २३ जुलैच्या मध्यरात्री घराला आग लागून सुमारे १ लाख रुपयांची वित्तहानी झाल्याची घटना घडली. याबाबत प्राप्त माहितीनुसार, हिरंगी येथे वास्तव्याला असलेल्या ज्ञानेश्वर सावके यांच्या घराजवळ लागून असलेल्या विद्युत मीटरमध्ये २३ जुलैच्या मध्यरात्री अचानक शॉर्ट सर्किट होऊन घराला आग लागली. यात घराजवळ ठेवलेल्या मोटार सायकलसह घरातील शेतीपयोगी साहित्य व इतर साहित्य असे अंदाजे १ लाख रुपयांचे नुकसान झाल्याची माहिती आहे.दरम्यान, घराला आग लागल्यानंतर रात्रीची वेळ असतानाही गावकऱ्यांनी तातडीने पुढाकार घेऊन आग विजविण्याचा आटोकाट प्रयत्न केला. याप्रकरणी ज्ञानेश्वर सावके यांनी पोलिसांत रितसर तक्रार नोंदविली आहे.