भारतीय संस्कृती उत्सवात नेत्रदान प्रचार समितीच्या चेतनचा सत्कार

आज कोल्हापुरमध्ये होणार चेतनचा सत्कार.

वाशिम : कोल्हापूर जिल्ह्यातील श्री क्षेत्र सिद्धगिरी मठातर्फे आयोजित भारत विकास संगम या अखिल भारतीय संस्कृती उत्सवात वाशिम जिल्हातील नेत्रदान प्रचार समितीचा बँॅड्र अँम्बसिडर तथा बाल कलाकार चेतन उचितकर याचा २२ जानेवारी रोजी नवरत्न पुरस्कार देऊन सत्कार होणार आहे. . १७ जानेवारी ते २५ जानेवारी या सात दिवस चालणार्‍या या उत्सवामध्ये भारतीय संस्कृतीचे दर्शन संवर्धन कलेच्या माध्यमातून होणार आहे. या सामाजिक, सांस्कृतिक व शैक्षणिक क्षेत्रात काम करणार्‍या नवरत्नाचा २२ जानेवारीला सत्कार होणार आहे. चेतनचा सत्कार २२ जानेवारी रोजी योग गुरु रामदेवबाबा स्वामी विष्णू देवानंदगिरीजी, नामदार स्मृती इराणी डॉ. विजय भटकर या मान्यवरांच्या हस्ते शाल, श्रीफळ स्मृतीचिन्ह देवून होणार आहे.