लोकमत न्यूज नेटवर्कवाशिम : स्थानिक विद्यासागर गुरुकुल इंग्लीश स्कुल येथे आषाढी एकादशीनिमित्त मंगळवार ४ जुलै रोजी विद्यार्थ्यांची दिंंडी काढण्यात आली. यामध्ये मुले विठ्ठलाच्या व वारकरींच्याा गणवेशात तर मुली रुखमाईच्या गणवेशात आल्या होत्या. विठठलाचा नामाचा गजरात दिंडी शाळेतुन निघुन चालत स्व.दिलीप गोरे या गोशाळेपर्यंत जावुन त्या ठिकाणी मुलींनी फुगडी तर मुलांनी लेझीम खेळून आनंद लुटला व दिंडी परत शाळेमध्ये आली. रस्त्याने लाखाळा परिसरातील सर्व बंधु भगीनी या लहान लहान विद्यार्थ्यांचा उत्साह पाहून कौतुकाने आनंद व्यक्त करत होते. काहींच्या डोक्यावर तुळशी वृंदावन तर काहींच्या हातात टाळ, झेंडे व वृक्ष होते. याप्रसंगी विद्यार्थ्यांनी शाळेच्या परिसरात वृक्षारोपण केले. तसेच शाळेच्या प्रथम दिनानिमित्त पहिल्याच दिवशी विद्यार्थ्यांचे स्वागत जि.प.अध्यक्षा हर्षदाताई दिलीप देशमुख यांनी पुष्प देवुन केले व याप्रसंगी त्यांच्याहस्ते वृक्षारोपण करण्यात आले. या कार्यक्रमाकरिता गुुरुकुल मधील सर्व शिक्षक वृंद व कर्मचारी वृंद यांनी परिश्रम घेतले.