.............
रस्ते तयार झाले, वृक्षलागवडीकडे दुर्लक्ष
वाशिम : वाशिम ते अनसिंग या रस्त्याच्या रुंदीकरणाचे काम केले जात आहे. काही ठिकाणी रस्ता काम पूर्णदेखील झाले. असे असताना कापलेल्या वृक्षांच्या ठिकाणी नव्याने वृक्षलागवड करण्याकडे दुर्लक्ष करण्यात आले आहे.
...............
नियमांचे पालन करण्याचे आवाहन
वाशिम : कोरोनापासून बचावासाठी शासनाने आखून दिलेल्या उपाययोजनांची अंमलबजावणी होणे आवश्यक आहे. नागरिकांनी नियमांचे पालन करून स्वत:चे रक्षण करावे, असे आवाहन जिल्हा शल्यचिकित्सक डॉ. मधुकर राठोड यांनी केले आहे.
...........
सिलिंडर तुटवड्याचा प्रश्न निकाली
वाशिम : मध्यंतरी ऑक्सिजन सिलिंडरचा मोठ्या प्रमाणात तुटवडा निर्माण झाला होता. या प्रश्नाकडे जिल्हा प्रशासनाने वेळीच लक्ष पुरविल्याने आता हा प्रश्न निकाली निघून पुरेशा प्रमाणात सिलिंडर मिळत आहेत.
........................
खरीप पेरणीची कामे अंतिम टप्प्यात
वाशिम : जिल्ह्यात काही भागात दमदार पाऊस झाला. यामुळे शेतकऱ्यांनी खरीप हंगामातील पेरणीचे काम आटोपते घेतले आहे. अनेक ठिकाणी पेरणी अंतिम टप्प्यात असल्याचे दिसून येत आहे.
.............................
रुग्णवाहिकांमुळे सोय
वाशिम : आकांक्षित जिल्ह्यांच्या यादीत समावेश असलेल्या वाशिम जिल्ह्याला निती आयोगाकडून मिळालेल्या निधीतून १० रुग्णवाहिका खरेदी करण्यात आल्या. त्या प्राथमिक आरोग्य केंद्रांना दिल्या असून, यामुळे रुग्णांची सोय झाली आहे.
....................
अनसिंग येथे आरोग्य तपासणी
अनसिंग : अनसिंग येथे कोरोना रुग्णांचा आकडा गेल्या काही दिवसांत घटलेला आहे. असे असले तरी नागरिकांनी खबरदारी घेण्याचे आवाहन करण्यासोबतच आरोग्य विभागाने रविवारी आरोग्य तपासणी मोहीम राबविली.
..................
बाजारपेठेतील गर्दी नियंत्रणाबाहेर
वाशिम : नागरिकांची गैरसोय टळावी, या उद्देशाने जिल्हा प्रशासनाने १४ जूनपासून निर्बंध शिथिल केले. मात्र, त्याचा गैरफायदा घेतला जात असून, सकाळच्या सुमारास गर्दी नियंत्रणाबाहेर जात आहे.