शिरपूर येथे कोविड लसीकरणाला सुरुवात

आरोग्य अधिकारी एस. बी. बळी, जी. डब्ल्यू. मिटकरी यांच्या मार्गदर्शनात प्रशिक्षणप्राप्त के. पी. गाडे व दीपाली काळे या परिचारिकांच्या हस्ते लसीकरण करीत आहेत. मोठ्या शहरांसह आता ग्रामीण भागातही काेविड-१९ लसीकरणाला सुरुवात झाली आहे. ८ मार्च रोजी शिरपूर येथील आरोग्यवर्धिनी केंद्रावर ६० वर्षांवरील नागरिकांचे लसीकरण करण्यात येत आहे. शिरपूर आरोग्यवर्धिनी केंद्रात लसीकरणासाठी दोनशे लस उपलब्ध करून देण्यात आल्या आहेत. ८ मार्च रोजी कचरूलाल मुंदडा, गजानन लांडगे, शोभा लांडगे, ओमप्रकाश सोनी, आशा देशमुख, बळीराम गोरे व वसंतराव नगरनाईक यांना सपत्नीक लस टोचण्यात आली. यावेळी आरोग्य कर्मचारी गौरीशंकर पळसकर, अमर झळके, क्षितिज लांडगे हे लसीकरणासाठी आलेल्या लोकांना योग्य ते सहकार्य करीत आहेत.