००००००००००००
तीन गटविकास अधिकारी केव्हा मिळणार?
वाशिम : मालेगाव पंचायत समितीला नियमित गटविकास अधिकारी मिळाले असून, उर्वरीत वाशिम, रिसोड व मंगरूळपीर पंचायत समितीला नियमित गटविकास अधिकारी केव्हा मिळणार? याकडे पदाधिकारी, सदस्यांचे लक्ष लागून आहे.
००००००००००००
प्राथमिक आरोग्य केंद्रातील पदे रिक्त
वाशिम : मालेगाव तालुक्यातील शिरपूर, किन्हीराजा, मेडशी आदी प्राथमिक आरोग्य केंद्रांतर्गत आरोग्य अधिकारी, कर्मचाऱ्यांची काही पदे रिक्त आहेत. काही ठिकाणी पुरेसे मनुष्यबळ नसल्याने रिक्त पदे भरण्यात यावे, अशी मागणी जि. प. सदस्य शाम बढे यांनी २१ सप्टेंबर रोजी जिल्हा परिषदेकडे केली.
००००
तलाठ्यांना स्वतंत्र कार्यालय मिळेना!
वाशिम : वाशिम तालुक्यातील ५२ पैकी जवळपास ३८ ठिकाणी अद्याप तलाठ्यांना स्वतंत्र कार्यालय मिळाले नाही.
वाशिम तालुक्यात तलाठ्यांची एकूण ५२ पदे मंजूर असून जवळपास ४४ ते ४५ तलाठी कार्यरत आहेत. वाशिम शहरातील सांजे तसेच वाई, राजगाव, अनसिंग आदी १० ते १२ ठिकाणचा अपवाद वगळता उर्वरित तलाठ्यांना अद्याप स्वतंत्र कार्यालय नाही.
००००
रस्त्यावरील खड्ड्यांमुळे चालकांची कसरत
वाशिम : येथील हिंगोली नाका रेल्वेगेटनजीक निर्माणाधीन उड्डाण पुलाच्या बाजूला असलेल्या दोन्ही रस्त्यांची अवस्था वाईट झाली आहे. मोठमोठे खड्डे पडले असून, या खड्ड्यांत पावसाचे पाणी साचून गटारे झाली आहेत. त्यामुळे वाहने चालविताना कसरत होत आहे.
०००००००
पावसामुळे भाजीपाला पिकांचे नुकसान
वाशिम : काटा परिसरात मंगळवार व बुधवारी झालेल्या पावसामुळे फळपिकांसह भाजीपाला पिकांचे नुकसान झाले. यामुळे शेतकरी हताश झाल्याचे दिसून येते.
०००००
सर्दी, खोकल्याच्या रुग्णांची तपासणी
वाशिम : सर्दी, खोकला, ताप आदी आजार असलेल्या रुग्णांवर वेळीच उपचार व्हावेत, म्हणून वाशिम तालुका आरोग्य विभागाने मोहीम सुरू केली आहे. या अंतर्गत ग्रामीण भागांत आरोग्य केंद्र, उपकेंद्रांत रुग्णांची तपासणी करण्यात येत आहे.