विद्यार्थ्यांचे स्वच्छता अभियान

पंतप्रधान नरेंद्र मोदी यांच्या स्वच्छ भारत अभियानांतर्गत महात्मा गांधी जयंतीनिमित्त शासकीय  तंत्रनिकेतच्या राष्ट्रीय सेवा योजनेमार्फत वाशिम बसस्थानक परिसरात स्वच्छता अभियान १० आॅक्टोंबर रोजी राबविण्यात आले.

ठळक मुद्देशासकीय तंत्रनिकेतन बसस्थानक परिसर स्वच्छ

लोकमत न्यूज नेटवर्कवाशिम  : पंतप्रधान नरेंद्र मोदी यांच्या स्वच्छ भारत अभियानांतर्गत महात्मा गांधी जयंतीनिमित्त शासकीय  तंत्रनिकेतच्या राष्ट्रीय सेवा योजनेमार्फत वाशिम बसस्थानक परिसरात स्वच्छता अभियान १० आॅक्टोंबर रोजी राबविण्यात आले.शासकीय तंत्रनिकेतन वाशिमच्या विद्यार्थ्यांनी  व अध्यापकांनी यावेळी प्रवाशांना एक कदम स्वच्छता की ओर हा मोलाचा संदेश दिला. यावेळी बसस्थानक व परिसरात विद्यार्थ्यांमार्फत स्वच्छता रॅली काढण्यात आली. रासेयो समन्वयक आर.जी.बिलोलीकर व एम.डी.मोरे यानी विद्यार्थ्यांना स्वच्छतेचे महत्व विषद करुन आपले घर व परिसर तसेच सार्वजनिक ठिकाणी स्वच्छता ठेवुन  रोगराईला दूर ठेवावे असे आवाहन केले. या अभियानात बसस्थानकातील सर्व प्लॅटफार्मस, व आजुबाजुचा सर्व परिसर स्वच्छ करण्याात आला. विद्यार्थ्यांच्या या कार्यामुळे बसस्थानक परिसर  चकाकुन गेला होता. या अभियानाला यशस्वी करण्याकरिता संस्थेचे प्राचार्य डॉ.दिनेशकुमार गुप्ता,विभाग प्रमुख व्ही.जे.डोंगरे व आगार प्रमुख  इलामे यांचे प्रमुख मार्गदर्शन लाभले. शासकीय  तंत्रनिकेतन वाशिमच्या राष्ट्रीय सेवा योजनेच्या या उपक्रमाचे बसस्थानक कर्मचारी व प्रवाशांनी कौतुक केले.