चोरांना नागरिकांनी लावले पळवून

वाशिम येथील जागरूक नागरिकांचा दक्षतेमुळे चोरीचा प्रयत्न फसला.

वाशिम : शहरातील अकोला महामार्गावर असलेल्या ङ्म्री स्वामी सर्मथ नगरामध्ये दाखल झालेल्या चोरांना या भागातील नागरिकांना पळवून लावल्याची घटना १९ जानेवारीच्या रात्री ३ वाजताच्या दरम्यान घडली.१९ जानेवारीच्या मध्यरात्री ङ्म्री स्वामी सर्मथ नगरामध्ये ५ चोर दिसून आल्याचे प्रा. चैतवार यांना दिसले. त्यांनी लगेच आजुबाजूला राहत असलेल्या शेजार्‍यांशी भ्रमणध्वनीवरून संपर्क साधला. त्यानंतर सर्वांनी घराबाहेर येवून चोरांचा शोध घेतला असता ते तेथून पळून गेले. यावेळी पोलिसांना पाचारण करण्यात आले. वाशिम शहर पोलीस स्टेशनला फोन करून सदर प्रकाराची माहिती दिली असता कर्तव्यावर असलेले जमदाडे नामक पोलीस कर्मचार्‍यांनी वेळेचा विलंब न करता घटनास्थळी ताबडतोब पोलिसांना पाठविले. पोलीस गाडीमध्ये आलेल्या सहा अधिकारी व कर्मचार्‍यांनी चोरांचा शोध घेतला; मात्र आढळून आले नाही. चोरांना नागरिकांनी पळवून लावल्याने त्यांच्या मनसुब्यावर पाणी फेरले असले तरी या भागात रात्रीच्या गस्त लावण्याची मागणी होत आहे.