रक्त तपासणी शिबिर

या कार्यक्रमाचे अध्यक्ष सामाजिक कार्यकर्ते दतराव किसन निरगुडे तर प्रमुख पाहुणे युवा नेते केशवराव पांडुरंग ठाकरे, माजी पंचायत समिती सदस्य विष्णू पाटील काटेकर, माजी सरपंच पंडिता भुसारे, भगवानराव दंडे, शंकरराव भुसारे, तुकाराम दंडे हे होते. अध्यक्ष व प्रमुख पाहुण्यांचे स्वागत राजमुद्रा गणेश मंडळाचे कार्यकर्ते संजय भुसारे, स्वप्नील दंडे व इतर सदस्यांनी केले. या शिबिराला गावातील नागरिकांनी प्रचंड प्रतिसाद देऊन १२५ नागरिकांची रक्त तपासणी करण्यात आली. रक्त तपासणीसाठी डाॅ. योगेश खोडके यांनी विनामूल्य सहकार्य केले तर कार्यक्रम यशस्वी करण्यासाठी गावातील युवा कार्यकर्ते तसेच जय भवानी गणेश मंडळाचे कार्यकर्ते नवनाथ निरगुडे, राधेश्याम निरगुडे यांनी अथक परिश्रम करून कार्यक्रम यशस्वी केला. या कार्यक्रमाचे प्रास्ताविक राधेश्याम निरगुडे यांनी केले. आभार विठ्ठलराव दंडे सर यांनी मानले.