भाजपा नेते किरीट साेमय्या यांच्या वाहनावर शाई व दगडफेक

खा. भावना गवळी यांच्या संस्थेमधील भ्रष्टाचाराबाबत पत्रकार परिषदेसाठी किरीट साेमय्या जिल्ह्यात आले आहेत. तत्पूर्वी रिसाेड येथील काम व पार्टीकल बाेर्डाची पाहणी करण्यासाठी जाण्याच्या नियाेजनानुसार देगाव येथे गेले असता, नागरिकांनी त्यांच्यावर दगडफेक व शाईफेक केली. ही दगडफेक शिवसैनिकांनी केल्याचे बाेलल्या जात असले तरी यासंदर्भात खा. भावना गवळी यांनी ते शिवसैनिक नव्हे तर ज्या शेतकऱ्यांवर अन्याय झाला ते शेतकरी असल्याचे सांगितले. यावेळी देगाव येथे माेठ्या प्रमाणात गर्दी असल्याने कडक पाेलीस बंदाेबस्त ठेवण्यात आला हाेता. दगडफेक घटना घडल्यानंतर किरीट साेमय्या यांनी रिसाेड पाेलीस स्टेशन गाठले. वृत्त लिहिस्ताेवर काेणत्याच प्रकारची तक्रार दाखल झाली नव्हती. यावेळी त्यांच्यासाेबत आमदार राजेंद्र पाटणी, राजू पाटील राजे, हरीश सारडासह इतर भाजपा कार्यकर्ते उपस्थित हाेते.