वाशिम : लहान मुलांच्या भांडणावरून उद्भवलेल्या वादात, गवंडी काम करणार्या अब्दुल मोबीन यांच्यावर प्राणघातक हल्ला झाला. याप्रकरणी ७ ऑक्टोबरला तीन जणांवर गुन्हे दाखल करण्यात आले. अब्दुल मोबीन यांच्या फिर्यादीनुसार, १ ऑक्टोबर रोजी सायंकाळी त्यांचे मोठे बंधु अ. मोबीन हे तामसी येथे गवंडी काम करुन घरी परतले. त्यावेळी लहान मुलांच्या भांडणावरून ते शेजार्यांसोबत चर्चा करीत असताना, आरोपी अब्दुल सिद्दीक अब्दुल कुद्दुस, अब्दुल मुजीब व अब्दुल आशिद या तिन्ही भावंडांनी संगनमताने लोखंडी रॉड, लाकडी बॅट व लाथाबुक्कय़ांनी मारहाण करुन गंभीररीत्या जखमी केले, तसेच जिवाने मारण्याची धमकी दिल्याचे अब्दुल मोबीन यांनी फिर्यादीत म्हटले. अ. मोबीन यास जिल्हा सामान्य रुग्णालयात दाखल करून पुढील उपचारासाठी अकोला सामान्य रुग्णालयात पाठविण्यात आले आहे. याप्रकरणी तीन आरोपींविरुद्ध शहर पोलीस ठाण्यात ३२४, ५0४, ५0६, ३४, ३२४ भादंविनुसार गुन्हा दाखल केला असून, ठाणेदार रवीद्र देशमुख पुढील तपास करीत आहेत.
इसमावर प्राणघातक हल्ला
By admin | Updated: October 9, 2015 01:36 IST