पेरणीसाठी ‘अष्टसूत्री’चा वापर करण्याचे आवाहन

तालुक्यातील निंबी येथे २९ मे रोजी शेतकऱ्यांना मार्गदर्शन करताना ते बोलत होते. निंबी येथे कोरोनाविषयक नियमांचे पालन करून शेतकरी मार्गदर्शन कार्यशाळा घेण्यात आली. सोयाबीन हेच जिल्ह्याचे मुख्य पीक असल्याने त्याचे उत्पादन वाढण्यासाठी जिल्हा अधीक्षक कृषी अधिकारी एस. एम. तोटावार यांच्या मार्गदर्शनाखाली कृषी विभागातील चमूने पेरणीची अष्टसूत्री तयार केली आहे. बियाण्याची उगवणशक्ती तपासणे, घरगुती बियाणे वापरणे, बीज प्रक्रिया करणे, योग्य वाणाची निवड करणे, योग्यवेळी आणि योग्य खोलीवर पेरणी करणे, रासायनिक खतांचा समतोल वापर करणे, आदी बाबी त्यात अंतर्भूत करण्यात आल्या आहेत. अष्टसूत्रीचे पालन केल्यास निश्चितपणे खर्चात बचत होऊन उत्पादनात वाढ होणे शक्य आहे. त्याचा अवलंब करण्याचे आवाहन लांडे यांनी केले. यावेळी सुधाकर टोपले, संजय मनवर, प्रेम मनवर, सुभाष पडघान व इतर शेतकऱ्यांची उपस्थिती होती.