अनसिंग येथे चिनी वस्तंूची होळी !

लोकमत न्यूज नेटवर्कअनसिंग : येथील युवावर्गाने चिनी वस्तु न वापरता त्याची होळी करुन त्या वस्तुवर बहिष्कार टाकण्याचा निर्णय सोमवारी जाहिर केला.येथील सुरज ठाकरे, दिपक लांभाडे, लक्ष्मण डांगे, ढोके, माल, ठाकुर, सागर धोंगडे, दुधार, सातव, चव्हाण, ठाकरे यांनी एकत्रीत येवून आठवडी बाजारामध्ये बाजारात आलेल्या सर्व खेडयापाडयातील नागरिकांना स्वदेशी वस्तुची जाणीव करुन दिली तसेच चिनी वस्तूंवर सर्वांनी बहिष्कार टाकावा याबाबत जनजागृती केली. सोमवारी दुकानातून चिनी वस्तू आणून एका ठिकाणी जमा केल्या आणि त्याची होळी केली. यापुढे चिनी वस्तू वापरण्यावर बहिष्कार टाकण्यात आला तसेच दुकानदारांनीसुद्धा चिनी वस्तु विकणार नाही असा निर्णय घेतला.