डिसेंबर व जानेवारी महिन्यात कोरोनाबाधितांच्या संख्येत चढ-उतार दिसून आला. फेब्रुवारी महिन्यातही रुग्णसंख्येत चढउतार दिसून येत आहे. शनिवारी आणखी १५ जणांचा कोरोना चाचणी अहवाल पाॅझिटिव्ह आला. यामध्ये वाशिम शहरातील गवळीपुरा येथील १, गुरुकृपा हॉस्पिटल परिसरातील ३, माउंट कार्मेल परिसरातील १, नवोदय विद्यालय परिसरातील १, मालेगाव शहरातील १, भौरद येथील १, मंगरूळपीर शहरातील बायपास रोड परिसरातील १, शहापूर येथील २, मानोरा तालुक्यातील शेंदूरजना येथील १, कारंजा शहरातील वनदेवीनगर येथील १, आखतवाडा येथील १, दोनद येथील १ व्यक्ती कोरोनाबाधित असल्याचे निदान झाले आहे.
कोरोनाबाधितांच्या संपर्कातील संदिग्ध रुग्णांची तपासणी करण्यात येत आहे. जिल्ह्यात एकूण कोरोनाबाधितांचा आकडा आता ७,२९० वर पोहोचला आहे. शनिवारी १३ जणांची रुग्णालयातून सुट्टी झाली. आतापर्यंत कोरोनामुळे १५६ जणांचा मृत्यू झाला. दरम्यान, कोरोनाचा धोका अजून टळलेला नाही. त्यामुळे जिल्ह्यातील नागरिकांनी आवश्यक ती खबरदारी घ्यावी, असे आवाहन जिल्हा प्रशासन व आरोग्य विभागाने केले.
००
१०३ जणांवर उपचार
जिल्ह्यात आतापर्यंत ७,२९० कोरोनाबाधित रुग्ण आढळून आले. यापैकी ७,०३० जणांनी कोरोनावर मात केली. सध्या जिल्हा सामान्य रुग्णालय, तालुकास्तरीय कोविड केअर सेंटर आणि तीन खासगी कोविड हॉस्पिटल, गृहविलगीकरण येथे १०३ रुग्णांवर उपचार सुरू आहेत. उपचार सुरू असलेल्या रुग्णांची प्रकृती स्थिर असल्याचे आरोग्य विभागाने स्पष्ट केले.