मालेगाव : येथील कृषी उत्पन्न बाजार समितीमधील एका आडत्याच्या गोदामातून अज्ञात चोरटयाने १३ जूनच्या रात्री ४0 पोते सोयाबिनची चोरी केली. येथील किशोर काबरा या अडत्याच्या बाजार समिती मधील गोदामातून अज्ञात चोरटयांनी १३ जून च्या रात्री एक लाख ८0 हजार रुपये किंमतीचे ४0 पोते सोयाबिन चोरुन नेले. त्यांच्या गोदामात कृषी उत्पन्न बाजार समितीमध्ये खरेदी केलेले सोयाबिनची ४६ पोती ठेवलेली होती. ते १४ जून रोजी सकाळी गोदामात गेले असता गोदामाचे शटर तुटले होते. त्यामधील सोयाबिनची ४0 पोती गायब झाली असल्याचे त्यांना आढळून आले. या घटनेबाबत किशोर काबरा यांच्या फिर्यादीवरुन भांदवी ३८0, ४६१ कलमानूसार गुन्हा नोंदवला आहे. या प्रकरणी मालेगाव पोलिस स्टेशनचे ठाणेदार रामेश्वर तट यांच्या मार्गदर्शनाखाली पांडूरंग राठोड तपास करीत आहेत.
गोदामातून ४0 पोते सोयाबीनची चोरी
By admin | Updated: June 16, 2014 00:45 IST