जिल्ह्यात कोरोना रुग्णांची संख्या कमी होत असल्याने जिल्हावासीयांना दिलासा मिळत आहे. नव्याने कोरोना रुग्ण आढळून येण्याचे प्रमाण अतिशय घटले असून, कोरोनावर मात करणाऱ्यांची संख्यादेखील वाढत असल्याचे चित्र आहे. गुरुवारी नव्याने तीन रुग्ण आढळून आले, तर तीन रुग्णांनी कोरोनावर मात केल्याने त्यांना डिस्चार्ज देण्यात आला. रिसोड व मंगरूळपीर तालु्क्याचा अपवाद वगळता उर्वरित चार तालुक्यांत एकही रुग्ण आढळून आला नाही. आतापर्यंत जिल्ह्यात ४१६२७ रुग्ण आढळून आले आहेत. यापैकी ४०९४७ रुग्णांनी कोरोनावर मात केली तर आतापर्यंत ६२२ जणांचा मृत्यू झाला. जिल्ह्याबाहेरील एका बाधिताची नोंद झाली आहे. कोरोनाची दुसरी लाट ओसरत असली तरी तिसऱ्या लाटेची शक्यता वर्तविण्यात येत असल्याने नागरिकांनी काळजी घ्यावी, असे आवाहन जिल्हा प्रशासन व आरोग्य विभागाने केले.
००००
चार तालुके निरंक
गुरुवारच्या अहवालानुसार वाशिम, कारंजा, मालेगाव व मानोरा तालुक्यांत, तसेच मंगरूळपीर व रिसोड शहरात एकही रुग्ण आढळून आला नाही. वाशिम शहरात सलग पाचव्या दिवशीही रुग्ण आढळून आला नसल्याने शहरवासियांना दिलासा मिळाला.
०००००००
५७ सक्रिय रुग्ण
गुरुवारच्या अहवालानुसार नव्याने तीन रुग्ण आढळून आले, तर तीन रुग्णांनी कोरोनावर मात केली आहे. सध्या सरकारी कोविड केअर सेंटर, कोविड हॉस्पिटल, गृहविलगीकरणात असे एकूण ५७ रुग्ण सक्रिय आहेत.