महिलेचा गळा चिरून खून

वसई पूर्वेतील फादरवाडी येथे असलेल्या विद्या विकासिनी शाळेच्या पाठीमागील मैदानात वालीव पोलीसांना वीस ते पंचवीस वर्षे वयाच्या अज्ञात महिलेचा कुजलेला व विवस्त्र अवस्थेतील

वसई : वसई पूर्वेतील फादरवाडी येथे असलेल्या विद्या विकासिनी शाळेच्या पाठीमागील मैदानात वालीव पोलीसांना वीस ते पंचवीस वर्षे वयाच्या अज्ञात महिलेचा कुजलेला व विवस्त्र अवस्थेतील मृतदेह सापडला. तो शवविच्छेदनासाठी पाठवला आहे.वसई पूर्व फादरवाडी येथे विद्या विकासिनी शाळा आहे. काल शाळेच्या पाठीमागील मैदानात एका महिलेचा विवस्त्र व कुजलेल्या अवस्थेत मृतदेह पडला असल्याची माहिती पोलीसांना मिळाल्यानंतर निरिक्षक महेश पाटील आपल्या पथकासह घटनास्थळी पोहचले. त्यानंतर पोलीसांनी घटनास्थळाचा पंचनामा करुन मृतदेह ताब्यात घेतला. विद्या विकासिनी शाळेच्या पाठी मागील बाजूस मोठे मैदान असून मैदानाच्या भिंती पलिकडे मोठी लोकवस्ती आहे. गेल्या पाच ते सहा दिवसांपासून मुसळधार पाऊस सुरु असल्याने विद्यार्थीही मैदानात जात नाहीत. त्यामुळे हा मृतदेह बऱ्याच दिवसापासून पडला असण्याची शक्यता वर्तवली जात आहे. या महिलेची गळा चिरून हत्या करण्यात आल्याचे पोलिसांचे म्हणणे आहे. या प्रकरणी वालीव पोलीस ठाण्यात गुन्हा दाखल करण्यात आला आहे. मृत महिलेची ओळख पटवण्याचे काम वालीव पोलीसांकडून सुरु आहे.दरम्यान, या गुन्ह्याचा तपास करण्यासाठी चार पथके तार करण्यात आली आहे. पोलिसांनी शाळेकडे जाणाऱ्या रस्त्यालगत असलेल्या सीसीटीव्ही फुटेजवरून माग काढण्यास सुरुवात केली आहे. या महिलेला या ठिकाणी कोठून तरी आणून मारले असावे व किमान तीन-चार जण त्यावेळी हजर असावेत असा पोलिसांचा संशय आहे. ज्या क्रूरपणे तिची हत्या झाली ते पहाता तिच्याबद्दल खून्यांच्या मनात तीव्र द्वेष संताप असावा असे जाणवते असे पोलिसांनी म्हटले आहे.