वसई : चर्चगेटहून विरारकडे जाणारी लोकल वसई रेल्वे स्टेशनमध्ये शिरल्यानंतर ट्रकवर अडकलेला कुत्रा सुखरूपपणे बाहेर पडावा यासाठी प्रसंगवधान साधून मोटरमनने लोकल धिम्या गतीने चालवली. त्याचा व्हिडीओ व्हायरल झाल्यानंतर अनेकांनी मोटरमनच्या माणुसकीला दाद दिली.वसई रेल्वे स्टेशनवरील प्लॅटफॉर्म क्रमांक दोनच्या दोन्ही बाजूला प्लॅटफॉर्म आहेत. दुपारी चर्चगेटहून विरारकडे जाणारी लोकल रेल्वे स्टेशनमध्ये शिरली असता ट्रकवर अडकलेला कुत्रा मोटरमनच्या नजरस पडला. लोकल मागून येत असल्याने कुत्रा जीव वाचवण्यासाठी पुढे पळत राहिला. कुत्र्याचा जीव वाचावा यासाठी मोटरमनने लोकलचा वेग अतिशय कमी ठेवला. भेदरलेला कुत्रा प्लॅटफॉर्म संपल्यानंतर ट्रॅकबाहेर पडला. त्यानंतर मोटरमनने लोकल विरारकडे रवाना केली. या घटनाक्रमाचे शूटींग काही प्रवाशांनी केले होते. ते व्हायरल झाल्यानंतर मोटरमनच्या सहृदयतेला दाद देण्यात आली. (प्रतिनिधी)
मोटारमनने वाचवला कुत्र्याचा जीव
By admin | Updated: January 24, 2017 05:28 IST