जव्हार : शहरातील सोनार आळी येथील तीन वाणिज्य गाळ्यांचे ट्विंकल कार्यालय मुंबईच्या आर्थिक गुन्हे विभाग कक्ष-७ यांनी शुक्रवारी सील केले आहे.वरीष्ठ पोलीस निरीक्षक, आर्थिक गुन्हे विभाग, कक्ष-७, मुबंई यांचे कडून जाहिर नोटीसी द्वारे गाळे क्र. २, ३ व ४ तळमजला, धनवर्षा कॉम्पलेक्स, सभाजी रोड, जव्हार येथील ट्विंकल ग्रुपच्या मिळतीला सिल लावण्यात आला असून, याबाबत सील केलेली मालमत्ता विशेष सत्र न्यायाधिश (एमपीआयडी), सत्र न्यायालय, मुंबई यांच्या आदेशाखेरीज कोणासही खरेदी, विक्री, हस्तांतर, गहाणखत, भाडेपट्टा, बक्षीसपत्र इत्यादी व्यवहार करण्यास मनाई कारण्यात आलेली आहे. गेल्या काही वर्षापासुन ट्विंकल ग्रुपच्या माध्यमातून विविध नावाने दाम दुप्पट योजना, फिक्स डिपॉझिट व इतर व्यवहारातून येथील गोर गरीब आदिवासी जनतेकडून कोट्यवधी रूपये गोळा करण्याचे काम करून ग्राहकांनी दिशाभूल करण्याचे काम या ग्रुपच्या माध्यमातून चालू होते. याकरीता हजारो एजन्टची नेमणूक करून त्यांना जास्त कमिशनचे आमिष दाखवून मोठ्याप्रमाणात लूट सुरू केली होती. मागील काही वर्षापासुन ग्राहकांचे मुदत संपल्यानंतरही पैसे देण्यास कंपनी टाळाटाळ करीत होती.
कोणता झेंडा घेऊ हाती?लोकमत न्यूज नेटवर्कजव्हार : पालघर पोटनिवडणुकीचे बिगुल आता खऱ्या अर्थाने वाजायला लागले असून तुर्तासतरी सर्व महत्त्वाच्या पक्षानी स्वबळाचा नारा देत शिक्त प्रदर्शन करीत आपले उमेदवारी अर्ज भरले मात्र गुरुवारी बविआ, कॉंग्रेस आणि भाजपा या तिन्ही पक्षानी एकाच दिवशी अर्ज दाखल केले. यावेळी प्रत्येक तालुकानिहाय कार्यकर्ते मागविण्यात आले होते. मात्र, पक्षांचे सक्र ीय सदस्य सोडले तर जे काही सर्वच पक्षात मी तुमचाच म्हणून वावरत असलेल्या कार्यकर्त्यांची मात्र यामुळे पंचाईत झाली. यामुळे सर्वच पक्षांच्या गाड्या दारात आल्यानंतर आता ‘कोणता झेंडा घेवू हाती’ असा प्रश्न अनेकांना पडून नेत्यांना मात्र आपला कोण, परका कोण याची माहीती लागली.अर्ज भरण्याच्या शेवटच्या दिवशी भाजपा, बविआ आणि कॉँग्रेसने जोरदार शक्ती प्रदर्शन करण्याच्या इराद्याने प्रत्येक तालुक्यातील झेडपी गटनिहाय कार्यकर्ते मागविण्याची तजवीज केली होती. यासाठी आवश्यक सर्व व्यवस्था केली गेल्याचे चित्र होते. मात्र, मूठभर कार्यकर्ते सोडले तर सर्वसामान्य मतदार या भानगडीत पडत नाही. यामुळे कसलीतरी प्रभोलने देऊन गर्दी जमविण्याची पक्षांची धडपड असते याला पक्ष कोणताही असो हमखास गाडीत बसून जाणाºया कार्यकर्त्यांकडून प्रतिसाद मिळत असतो. याशिवाय चला फुकटची गाडी आहे येवू फिरून म्हणणारेही मोठ्याप्रमाणावर असतात. मात्र गुरुवारी सर्वच तालुक्यात तिन्ही पक्षाची वाहने फिरत असल्याने अशा संधी साधु कार्यकर्त्यांची मात्र अडचण झाली. याप्रसंगी अनेकांचा सर्वपक्षीय बुरखा फाटला.