मीरारोड : कोकण शिक्षक मतदार संघाच्या निवडणूकसाठी सोमवारी मीरा भाईंदर मध्ये ९१ टक्के इतके मतदान झाले. मीरा भाईंदर शहरासाठी भाईंदरच्या अपर तहसीलदार कार्यालयात मतदान केंद्र ठेवण्यात आले होते. १०७६ शिक्षक मतदारां पैकी ९७९ मतदारांनी आपला मतदानाचा हक्क बजावला. मतदानासाठी मोठी रांग लागली होती. मतदान केंद्रा बाहेर भाजपा उमेदवार ज्ञानेश्वर म्हात्रे तर महाविकास आघाडीचे बाळाराम पाटील यांच्या समर्थनार्थ बूथ लागले होते.
४ वाजता मतदानाची वेळ संपली. मतदान शांततेत पार पडले. मतदान केंद्रावर एक पोलीस अधिकारी, ४ अंमलदार व ५ महाराष्ट्र सुरक्षा बलाचे जवान असा बंदोबस्त ठेवण्यात आला होता.