पालघर पोटनिवडणुकीसाठी जिल्हा प्रशासन सज्ज

पालघर लोकसभा पोटनिवडणूकीसाठी जिल्हा प्रशासन सज्ज झाले असून २०९७ मतदान केंद्रांवर २८ मे रोजी मतदान होणार आहे. या पोटनिवडणुकी करिता १२ हजार ८९४ कर्मचारी तसेच चार हजार २१९ सुरक्षा कर्मचारी तैनात असल्याची माहिती निवडणूक निर्णय अधिकारी तथा जिल्हाधिकारी डॉ प्रशांत नारनवरे यांनी दिली.

- हितेन नाईकपालघर - पालघर लोकसभा पोटनिवडणूकीसाठी जिल्हा प्रशासन सज्ज झाले असून २०९७ मतदान केंद्रांवर २८ मे रोजी मतदान होणार आहे. या पोटनिवडणुकी करिता १२ हजार ८९४ कर्मचारी तसेच चार हजार २१९ सुरक्षा कर्मचारी तैनात असल्याची माहिती निवडणूक निर्णय अधिकारी तथा जिल्हाधिकारी डॉ प्रशांत नारनवरे यांनी दिली.२०९७ केंद्रांपैकी १४ केंद्रांना क्रिटीकल असून या केंद्रांकडे शासकीय यंत्रणेचे अधिक लक्ष राहणार आहे. पालघर लोकसभा क्षेत्रातिल डहाणू विधानसभा क्षेत्रात ३२७, विक्र मगड मध्ये ३२८, पालघर मध्ये ३१८, बोईसर मध्ये ३३८, नालासोपारा मध्ये ४४९ तर वसई विधान सभा क्षेत्रात ३२७ मतदान केंद्र आहेत. या पैकी डहाणू मधील पतीलपाडा (६३), बोईसर मधील बोईसर (३४), धोंडीपूजा (८५), खैरपडा (२९४) तसेच वळीव मधील तीन केंद्र, नालासोपारा विधानसभा क्षेत्रात निळेमोरे येथील पाच आणि आचोळे येथील दोन अशी एकूण १४ केंद्र क्रिटीकल घोषित करण्यात आली आहेत. मतदानाच्या दिवशी कायदा आणि सुव्यवस्था राखण्यासाठी पोलीस अधीक्षक, दोन अतिरिक्त पोलीस अधीक्षक, ९ उप विभागीय पोलीस अधिकारी, १८ पोलीस निरीक्षक, १८२ पोलीस उपनिरीक्षक, दोन हजार ६०२ पोलीस शिपाई, ४९५ नवीन भरती झालेले पोलीस, एक हजार ११७ होमगार्ड व ४६ नागरी सुरक्षा विभागाचे स्वयंसेवक याना तैनात करण्यात आले आहेत. मतदानासाठी दोन हजार ७३७ मतदान केंद्र अध्यक्ष, सात हजार ७३७ मतदान अधिकारी व दोन हजार ३०८ शिपाई यांचा फौज फाटा कार्यरत राहणार आहे.सर्व मतदारांना २०९७ मतदान केंद्रस्तरीय अधिकारी यांचे मार्फत मतदार चिठ्ठयांचे वाटप करण्यात येत आहे. मतदान झाल्यानंतर इव्हीएम व व्हीव्हीपीएटी मशिन संबधित विधानसभा मतदार संघ मुख्यालयाच्या स्ट्राँग रु ममध्ये जमा करण्यात येतील व त्यांनतर कडक पोलिस बंदोबस्तामध्ये ही मशिन पालघर येथील सूर्या कॉलनी मधील जिल्हा स्ट्राँग रु ममध्ये जमा करण्यात येतील.मतपेट्या राहणार तीन दिवस स्ट्राँग रुममध्येमतदान सोमवार दि २८ मे रोजी दिवशी सकाळी ७ ते सायं ६ वाजेपर्यत तर मतमोजीणी दि. ३१/५/२०१८ सकाळी ८.०० वाजता सुरु होणार आहे. मतदान प्रक्रीया शांतपणे व यशस्वीरित्या पार पाडण्यासाठी जिल्हा प्रशासन व इतर सर्व यंत्रणा सुसज्ज असून सर्व मतदारांनी आपला मतदानाचा हक्क बजावावा, असे आवाहनही त्यांनी केले आहे.३१ मे रोजी पालघर येथे होणाऱ्या मतमोजणीसाठी सहा विधानसभा क्षेत्रांकरीता प्रत्येकी १४ अशी एकूण ८४ मोजणी टेबल मांडण्यात येणार आहेत. या प्रत्येक टेबल वर सुपरवायझर, सहाय्यक व मायक्र ो आॅब्झर्व्हवर तसेच त्यांच्या जोडीला समन्वय साधणारे, डेटा एन्ट्री कर्मचारी असे सुमारे ६०० अधिकारी - कर्मचारी कार्यरत रहातील अशी माहिती त्यांनी दिली.