लोकमत न्यूज नेटवर्क
मीरारोड - मीरारोडच्या पेणकरपाडा येथील लोटस लॉज मध्ये एका जोडप्याने जेवणात झुरळ आल्याचा जाब विचारला असता कर्मचाऱ्याने त्यांना मारहाण करून महिलेचा विनयभंग केल्या बद्दल काशीमीरा पोलिसात गुन्हा दाखल करण्यात आला आहे .
एक महिला व तिचा मित्र हे लोटस लॉज मध्ये गेले असता जेवणासाठी खिचडी मागवली होती . त्या खिचडीत झुरळ सापडल्याने लॉज च्या वेटरला सांगून मॅनेजर ला बोलावले . तेव्हा वेटर हा एकास बोलवून घेऊन आला . त्याला झुरळ दाखवले असता तो हाताने ते दाबू लागला . झुरळ का दबतोस अशी विचारणा केल्यावर त्या कर्मचाऱ्याने वाद सुरु करत महिले सह तिच्या मित्रास मारहाण केली . महिलेच्या छातीला धक्का मारून हात धरून तिला मारले . काशीमीरा पोलिसांनी रविवारी वेटर अभिजित लालमढी मिश्रा विरुद्ध गुन्हा दाखल केला आहे . उपनिरीक्षक अर्चना जाधव तपास करत आहेत .