जव्हार : जव्हार नगर परिषदेतील पाच रिक्त प्रभागातील पोटनिवडणूक घोषित झाली असून २१ एप्रिलपासून आचारसंहिता जारी झाली आहे. गेल्या काही वर्षापासून १० नगरसेवक रद्द प्रकरण सुरू होते, त्यातील ५ नगरसेवकांचे सदस्य पद रद्द झाल्याने ही पोटनिवडणूक घेण्यात येणार आहे. यामध्ये प्रभाग क्र. १-क, ३-ब, ४-अ,ब,ई अशा एकूण ५ प्रभागांकरीता पोटनिवडणूकीचा कार्यक्रम घोषित केला आहे. त्यानुसार अर्ज स्वीकृतीची तारीख २८ ते ०५ मे सकाळी ११.०० ते दुपारी ३.०० वा. पर्यत, अर्जांची छाननी व वैध उमेदवारांची यादी ६ मे रोजी सकाळी ११.०० वा प्रसिध्द करण्यात येईल, अर्ज माघारी दि.११ मे रोजी, तर मतदान २४ मे रोजी सकाळी ७.३० ते ५.३० वा. पर्यत, तसेच मतमोजणी व निकाल जाहिर २६ मे रोजी होईल, असे राज्य निवडणूक आयोगाने स्पष्ट केले आहे. (वार्ताहर)
जव्हार नपच्या पाच वॉर्डात पोटनिवडणूक
By admin | Updated: April 25, 2017 23:59 IST