‘ती’ मुख्याध्यापिका रजेवर

तालुक्यातील वायगाव (हळद्या) येथील मुख्याध्यापिका शाळेतील पोषण आहाराचे साहित्य चोरून नेत असल्याचा आरोप करीत गावकऱ्यांनी तिला काही साहित्यासह ...

बयान रखडले : पोषण आहाराची चोरी प्रकरण समुद्रपूर : तालुक्यातील वायगाव (हळद्या) येथील मुख्याध्यापिका शाळेतील पोषण आहाराचे साहित्य चोरून नेत असल्याचा आरोप करीत गावकऱ्यांनी तिला काही साहित्यासह वरिष्ठ अधिकाऱ्यांच्या समोर हजर केले होते. या प्रकरणी शनिवारी सदर मुख्याध्यापिकेचे बयान नोंदविण्यात येणार होते; पण ती शिक्षिका रजेचर गेल्याने बयान नोंदविता आले नसल्याचे सांगण्यात आले आहे.शुक्रवारी जिल्हा परिषद उच्च प्राथमिक शाळेच्या मुख्याध्यापिका चंद्रकला वरघणे यांना पोषण आहारातील चना व तेल घरी नेत असताना शिक्षण समिती व गावकरी यांनी रंगेहाथ पकडल्या प्रकरणी गटशिक्षणाधिकारी नासीर अहेमद व त्यांची चमू चौकशी करण्याकरिता शाळेत गेले होते. यावेळी सदरहू मुख्याध्यापिका रजेचा अर्ज टाकून सुटीवर गेली. त्यामुळे तिचे बयान नोंदविता आले नाही. त्यामुळे चौकशी अधिकारी परत आले. अधिक माहिती घेतली असता पोषण आहारात शासनाने तीन महिन्यापासून चना देणे बंद केले. आता चवळी देणे सुरू केले आहे. हा चना गेल्या तीन महिन्यापूर्वीचा विद्यार्थ्यांना न देता वाचवून नेण्याचा प्रकार असावा असा कयास आहे. या प्रकरणात अधिकारी मुख्यध्यापिकेला वाचविण्याचा प्रयत्न करीत असल्याची चर्चा गावात आहे.(तालुका प्रतिनिधी) स्टॉक रजिस्टर प्रमाणे रेकॉर्ड बरोबर आहे. मुख्याध्यापिका आज सुटीवर असल्याने त्यांचे बयाण घेण्यात आलेले नाही. सुटीवरून परत आल्यानंतर त्यांचे बयाण नोंदवून वरिष्ठांना अहवाल सादर करू.-नासीर अहमद, गट शिक्षणाधिकारी, पं. स. समुद्रपूर.