आॅनलाईन लोकमतकेळझर : भरधाव ट्रक अनियंत्रित होवून घराला धडकला यात घरात झोपून असलेले वृद्ध दाम्पत्य जखमी झाले. यात घराचा बराचसा भाग क्षतिग्रस्त झाला. सदर घटना रविवारला पहाटेच्या सुमारास येथील विश्रामगृहाजवळच्या वस्तीत घडली.प्राप्त माहितीनुसार, नागपूरकडे जाणारा एमएच ३२ क्यु ९६४६ क्रमांकाच्या ट्रक चालकाचे वाहनावरुन नियंत्रण सुटल्याने यशवंत शाळेकडे जाणाºया पुलाला धडक दिली. या पुलालगत रमेश दशरथ पवार यांचे घर असून त्यांच्या घराला या ट्रकने धडक दिली. यावेळी घरात असलेले रमेश पवार यांचे वृद्ध वडील दशरथ पवार आणि आई धृपदाबाई हे दाम्पत्य जखमी झाले. धडक दिल्यानंतर ट्रकचालक व वाहक वाहन सोडून पसार झाले.या दुर्घटनेत मोठी जीवितहानी झाली नसली तरी घराचे जवळपास नुकसान झाल्याचा अंदाज पवार कुटुंबियांनी व्यक्त केला. या प्रकरणी वृत्त लिहेस्तोवर सेलू पोलीस ठाण्यात गुन्हा दाखल झाला नव्हता. त्यामुळे ट्रक चालकाचे नाव समजू शकले नाही. या प्रकरणाचा पुढील तपास सेलू पोलीस करीत असल्याचे सांगण्यात आले आहे.