पुलगावात ट्रकची कारला तर हिंगणघाट येथे दुचाकींची धडकवर्धा : पुलगाव व वर्धा येथे झालेल्या दोन वेगवेगळ्या अपघातांत चार जण जखमी झाले. भरधाव ट्रकने कारला दिलेल्या धडकेत कारमधील दोघे जण जखमी झाले. यात कारचे नुकसान झाले. हा अपघात लक्ष्मीनारायण फाटा पुलगाव येथे गुरूवारी मध्यरात्री झाला. सुयोग प्रमोद म्हैसकर, निखिल कुटेवार, अशी जखमींची नावे आहे. सुयोग त्याची कार एम.एच. ३१ सी.एन. ६४७२ ने पुलगाव येथून वर्धेकडे येत होता. दरम्यान, विरूद्ध दिशेने भरधाव आलेला ट्रक डब्ल्यू.बी. २३ डी. ४३०१ च्या चालकाने कारला धडक दिली. याबाबत पुलगाव पोलिसांनी ट्रकचालक शैलेश पांडे रा. भिलाई याच्यावर कलम २७९ , ३३७, ४२७ अन्वये गुन्हा दाखल केला.शहरातील बजाज चौक येथे भरधाव दुचाकीने दिलेल्या धडकेत दुचाकीवरील इसम जखमी झाला. हा अपघात शुक्रवारी दुपारी ३ वाजताच्या सुमारास झाला. मधुकर दरवरे रा. हिंगणघाट, असे जखमीचे नाव आहे. दरवरे त्यांचा पुतन्या प्रफुल दरवरे याच्यासोबत दुचाकीने जात होते. दरम्यान, भरधाव दुचाकी एम.एच. ३१ बी.के. ९५११ ने धडक दिली. यात दुचाकीवरील दोघे जण खाली पडून जखमी झाले. याबाबतच्या तक्रारीवरून शहर पोलिसांनी कलम २७९, ३३७ अन्वये गुन्हा दाखल केला.(स्थानिक प्रतिनिधी)
दोन अपघातांत चार जण जखमी
By admin | Updated: January 23, 2016 02:08 IST