वर्धा-पुलगाव मार्गावर कार उलटली : तळेगाव मार्गावर दुचाकीला धडक वर्धा : जिल्ह्यात दोन ठिकाणी झालेल्या अपघातात चारजण जखमी झाले. वर्धा-पुलगाव मार्गावरील केळापूरनजीक कार उलटून झालेल्या अपघातात तिघे जखमी झाले. तिघेही सावंगी (मेघे) येथील वैद्यकीय महाविद्यालयाचे विद्यार्थी असल्याची माहिती आहे. हा अपघात गुरुवारी दुपारी ३ वाजताच्या सुमारास घडली. तर दुसरा अपघात तळेगाव येथील महामार्गावर चिस्तूर शिवारात घडला. यात भरधाव वाहनाच्या धडकेत दुचाकरस्वार गंभीर जखमी झाला. पुलगाव येथून वर्धेला येत असताना केळापूर नजीक एमएच २८ एएन ८८६६ क्रमांकाची कार उलटली. या कारमध्ये असलेले तिघेजण गंभीर जखमी झाले. त्यांची नावे डॉ. व्यंकटेश पसीने, डॉ. अक्षय चौधकरी, डॉ. निखिल राठोड हे तिघेही जखमी झाले. अपघाताची माहिती मिळताच परिसरातील नागरिकांनी या तिघांनाही सावंगी येथील रुग्णालयात उपचाराकरिता दाखल केले. येथे चौकशी केली असता ते सावंगी येथील वैद्यकीय महाविद्यालयाचे विद्यार्थी असल्याचे समोर आले. या अपघाताची नोंद पुलगाव पोलिसांनी केली असून तपास सुरू आहे.(प्रतिनिधी)
दोन अपघातात चार जण जखमी
By admin | Updated: January 13, 2017 01:20 IST