शेतकरी चिंतेत : शासन आदेशाला केराची टोपली

नैसर्गिक प्रकोपात उद्ध्वस्त झालेल्या शेतकऱ्याच्या

अलाहाबाद बँकेचे कर्ज पुनर्गठनात हात वरसंजय बिन्नोड विजयगोपालनैसर्गिक प्रकोपात उद्ध्वस्त झालेल्या शेतकऱ्याच्या मदतीकरिता शासनाने कर्जाचे पुनर्गठन करण्याचे आदेश बँकाना दिले. मात्र कर्ज पुनर्गठणात अलाहाबाद बँकेने हात वर केले आहे. या बाबत शेतकऱ्यांनी बँक व्यवस्थापकांना विचारणा केली असता अशी कुठलीही सुचना नसल्याचे सांगण्यात येत आहे. गत वर्षी खरीपात अतीवृष्टी आणि रबीत गारपीट झाले. दोन्ही हंगाम उध्वस्त झाले. निसर्गाच्या या प्रकोपाने बऱ्याच शेतकऱ्याना कर्ज भरणे अशक्य झाले. अशात थकबाकीदार असल्याने शेतकऱ्यांना कर्ज देण्यास बँकांनी नकार दिला. अशा स्थितीत शासनाने ३० जूनपर्यंत कर्जाची परतफेड करू न शकणाऱ्या शेतकऱ्याच्या कर्जाचे पुनर्गठण करण्याचे आदेश दिले. शासनाच्या या निर्णयाने शेतकऱ्यांच्या आशा पल्लवित झाल्या; पण विजयगोपाल येथील शेतकरी सुधाकर झोपाटे यांच्याकडे अलाहाबाद बँकेचे कर्ज असल्याने त्या कर्जाचे पुर्नगठन करण्याकरिता बँकेत गेले. यावेळी बॅक व्यवस्थापकाने असा कुठलाही आदेश बँकेला नाही म्हणून कर्ज पुनर्गठणासाठी हात वर केले आहे. बँक मुख्यमंत्र्यांचा आदेशही पाळायला तयार नाही, त्यामुळे शेतकरी हतबल झाल्याचे दिसत आहे. यावर्षीही पाऊस लांबल्याने शेतकरी अडचणीत आला आहे. दुबार पेरणीचे संकट त्याच्यावर आले आहे. पुन्हा कर्ज मिळाल्यास शेतकऱ्याना मोलाची मदत होणार आहे. अलाहाबाद बँकेने हात वर केल्याने शेतकऱ्याना सावकराचे उंबरठे झिजवावे लागत आहे. माहागडे बियाणे नष्ट झाल्यानंतर आता दुबार पेरणीसाठी बियाणे आणावे कसे असा प्रश्न शेतकऱ्यांना पडला आहे. त्यातच शासनाने पुनर्गठणाच्या आदेशाला अलाहाबाद बॅकेच्या येथील शाखेने हात वर केल्याने शेतकऱ्याच्या चिंतेत वाढ झाली आहे.शेतकरी सावकाराच्या दारीपावसाने दगा दिल्याने शेतकऱ्यांनी दुबार पेरणीची वेळ आली आहे. अशात बँकांनी दिलेले कर्ज पहिल्या पेरणीतच गेले. शिवाय आजा कर्जावे पुनर्गठन करण्यास बँक नकार देत आहे. यामुळे शेतकऱ्यांसमोर मोठी आर्थिक अडचण येत आहे. यामुळे शेतकरी सावकाराच्या दारी जात आहे.अजूनपर्यंत कर्ज पुनर्गठनाचा आदेश बँकेला म्हणजे मला मिळाला नाही. असा आदेश आल्यास शेतकऱ्यांच्या कर्जाचे पुनर्रगठन नियमाप्रमाणे करण्यात येईल.- महेश यादव, अलहाबाद बॅक मॅनेजर, विजयगोपाल.