दहीहंडी स्पर्धेने शहरात उत्साह

भारतीय जनता पार्टी युवा मोर्चा आर्वी शहर व उडान बहुउद्देशीय या सामाजिक संघटनेच्या संयुक्त विद्यमाने स्थानिक गांधी चौक येथे

उपक्रम : आदर्श गु्रप धामणगावने पटकाविले प्रथम स्थान वर्धा : भारतीय जनता पार्टी युवा मोर्चा आर्वी शहर व उडान बहुउद्देशीय या सामाजिक संघटनेच्या संयुक्त विद्यमाने स्थानिक गांधी चौक येथे मंगळवारी दहीहंडी स्पर्धा घेण्यात आली. या स्पर्धेत विविध मंडळांनी सहभाग घेतला. धामणगाव येथील गोविंदा पथकाने प्रथम पारितोषिक पटकाविले. तसेच यादवराव केचे स्मृतिप्रित्यर्थ माजी आमदार दादाराव केचे यांच्यावतीने रोख बक्षीस देण्यात आले. या दहीहंडी स्पर्धेतील फ्रेन्डस ग्रुपने द्वितीय स्थान तर वीर भगतसिंग मंडळाने तृतीय पुरस्कार पटकाविला. या कार्यक्रमाप्रसंगी माजी आमदार दादाराव केचे, देवळी येथील नगराध्यक्ष शोभा तडस, भाजपाचे जिल्हाध्यक्ष राजेश बकाने, पं.स. उपसभापती बाळा नांदूरकर, नगरसेवक संजय थोरात, आर्वीच्या नगराध्यक्षा दुर्गेश पुरोहित, भाजपा युवा मोर्चाचे रामु राठी, भारसवाडा येथील सरपंच अजय लोखंडे, विनय डोळे, प्रिया शिंदे, मिलिंद हिवाळे, आदींची प्रमुख उपस्थिती होती. स्पर्धेच्या आयोजनाकरिता बंटी चांदूरकर, तन्वीर खान, मयुर पोकळे, स्वप्नील कठाळे, पप्पू जोशी, शफ्फू, पवन सारसर व भाजपा युवा मोर्चा पदाधिकारी व सदस्यांनी सहकार्य केले. (तालुका प्रतिनिधी)