कलर्स व सखी मंच प्रस्तुत रिमझिम गाणी झलक सुहानी

पहिला पाऊस पडून गेला आहे. निसर्गाने हिरवाकंच शालू पांघरला असून धरणीमाता पावसाने चिंब झाली आहे.

संगीत नृत्य मनोरंजनाची मस्ती भरी झलक दिखला जा वर्धा : पहिला पाऊस पडून गेला आहे. निसर्गाने हिरवाकंच शालू पांघरला असून धरणीमाता पावसाने चिंब झाली आहे. रसिकतेला आव्हान देणाऱ्या रोमँटिक वातावरणात हळूच सुरेल तान कानावर पडावी. मन बेभान होऊन नाचू गाऊ लागावं असं वाटत असतं. नेमका या वातावरणाचा मूड ओळखून आपल्या असंख्य प्रेक्षकांच्या मनातील भाव ओळखून पुन्हा एकदा कलर्स प्रस्तुत लोकमत सखी मंच घेऊन येत आहे रिमझिम गाणी झलक सुहानी’ कार्यक्रम. गोवा आणि महाराष्ट्रात ज्याप्रमाणे लोकमत सखी मंचने आपल्या सदस्यांसाठी चौफेर कार्यक्रम देऊन त्यांच्या मनात घर केलं आहे. त्याचप्रमाणे कलर्सने देखील प्रेक्षकांच्या मनात घर केलं आहे. या कार्यक्रमाच्या स्वरूपात पुन्हा एकदा कलर्स व लोकमत सखी मंच आपल्या भेटीला येत आहे. या कार्यक्रमात असणार आहे आपल्या मनातील गाणी, आपल्या आवडीची पाऊस गाणी आणि सोबतच नृत्याची झलक दिखला जा स्पर्धा. नृत्यस्पर्धेत केवळ १० स्पर्धकांना प्रवेश मिळणार असून या स्पर्धेत नृत्य कौशल्याचा कस लागणार आहे. कलर्स वाहिनीवर ३० जुलै पासून शनिवारी रात्री १० वाजता झलक दिखला जा हॉट है, हआ कार्यक्रम सुरू होणार आहे. यावेळी स्पर्धेचे मुख्य आकर्षण म्हणजे २००६ ची मिस युनिव्हर्स श्रीलंका आणि सुप्रसिद्ध मॉडल जॅकलीन फर्नांडिस ही सेलीब्रेटी जज असणार आहे. याशिवाय फिल्म निर्देशक करण जौहर, कोरीओग्राफर गणेश हेगडे हे परिक्षकांच्या भूमिकेत धमाल करणार आहे. एकूण १२ सेलीब्रेटी या झलक दिखला जा हॉट है यामध्ये सहभागी होणार आहे. यात सुर्वीन चावला, करिश्मा तन्ना, शक्ती अरोरा, अर्जुन बिजलानी, गौरव गेरा (चुटकी फेम), पुनम शहा, प्रियंका शहा (जुळ्या बहिणी), हरपाल सिंग सोखी (शेफ), हेली शाह, नोरा फतेही, सलमान युसुफ खान, सिद्धांत गुप्ता आणि शांतनु माहेश्वरी असे १० नामवंत सेलीब्रेटी या कार्यक्रमाचे आकर्षण असणार आहे. जॅकलीन फर्नांडिस हिच्या सहभागाने या कार्यक्रमाला एक ग्लॅमरस आणि सिझनिंग स्वरूप आले आहे. हेच यंदाचे वैशिष्ट्य आहे. तेव्हा पावसाच्या गाण्यासोबत, कर्णमधुर संगीतावर, नृत्याच्या दिलखुलास ठेक्यासोबत झलक दिखला जा चे स्वागत करू या. या कार्यक्रमाचा एक वेगळा कलर आम्ही घेऊन येत आहोत. ज्यात असणार आहे डान्स मस्ती मनोरंजन आणि धमाल. हा कार्यक्रम ३१ जुलै ला रंजन सभागृह, मातृसेवा संघ, वंजारी चौक, वर्धा येथे सायंकाळी ५ वाजता होणार आहे. कार्यक्रमात सहभागी होण्याकरिता प्रथम येणाऱ्या सखींना प्रवेश मिळणार आहे. नृत्य स्पर्धेसाठी त्वरीत नोंदणी करावी. अधिक माहितीसाठी लोकमत कार्यालय, ठाकरे मार्केट, मेनरोड, वर्धा ९७६७७०४१२५ येथे संपर्क करावा.(उपक्रम प्रतिनिधी)