न्यू इंग्लिश हायस्कूल मार्गावर गुदमरतोय नागरिकांचा श्वास

न्यू इंग्लिश शाळेमागील रहदारीच्या रस्त्यालगत जुनी विहीर आहे. या परिसरात अस्वच्छतेने कळस गाठला आहे. या परिसराचे सौंदर्यीकरण करण्यासह विहिरीवर जाळी बसवून संरक्षित करण्याची मागणी नगरसेविका रंजना पट्टेवार यांनी नगरपालिकेच्या मुख्याधिकाऱ्यांना दिलेल्या निवेदनातून केली आहे.

ठळक मुद्देजागेचे सौदर्यीकरण करण्यासह विहीर सरंक्षित करण्याची मागणी

लोकमत न्यूज नेटवर्कवर्धा : न्यू इंग्लिश शाळेमागील रहदारीच्या रस्त्यालगत जुनी विहीर आहे. या परिसरात अस्वच्छतेने कळस गाठला आहे. या परिसराचे सौंदर्यीकरण करण्यासह विहिरीवर जाळी बसवून संरक्षित करण्याची मागणी नगरसेविका रंजना पट्टेवार यांनी नगरपालिकेच्या मुख्याधिकाऱ्यांना दिलेल्या निवेदनातून केली आहे.न्यू इंग्लिश हायस्कूलमागील विहीर अतिशय जुनी असून या विहिरीत यापूर्वी अनेकांनी आपली जीवनयात्रा संपविली आहे. सद्यस्थितीत या विहिरीसह परिसरात घाणीचे साम्राज्य आहे. या घाणीमुळे परिसरात प्रचंड दुर्गंधी पसरलेली असते. त्यामुळे व्यावसायिकांसह रहिवासी नागरिक आणि विद्यार्थ्यांच्या आरोग्याविषयीही प्रश्न निर्माण झाला आहे. येथून ये-जा करणाऱ्यांना अक्षरश: नाकाला रुमाल लावून लावे लागते. यापूर्वी अनेकवार याविषयी पालिका प्रशासनाचे लक्ष वेधण्यात आले. मात्र, उपाययोजना करण्यात नगर प्रशासन उदासीन आहे. या विहिरीची स्वच्छता करून पाणी हे केवळ सार्वजनिक बांधकामाकरिता वापरण्यात यावे, विहिरीवर जाळी बसविण्यात यावी, जागेचे सौंदर्यीकरण करण्यात यावे, अशी मागणी केली असून सात दिवसांत समस्या निकाली काढण्यात यावी; अन्यथा आंदोलनाचा इशारा नगरसेविका पट्टेवार यांनी मुख्याधिकाºयांना निवेदनातून दिला आहे.विद्यार्थ्यांच्या आरोग्याचा प्रश्न चव्हाट्यावरअस्वच्छता असलेल्या परिसरात न्यू इंग्लिश हायस्कूलसह बापट शाळा, अग्रगामी कॉन्व्हेंट, लोकमान्य टिळक प्राथमिक शाळा, खासगी रुग्णालये, हॉटेल्स आहे. शाळांमध्ये हजारावर विद्यार्थी शिक्षण घेतात. या विद्यार्थ्यांच्या आरोग्याविषयी प्रश्न निर्माण झाला असताना नगरपालिकेचा स्वच्छता विभाग कुंभकर्णी झोपेत आहे.