नागपूर-हैदराबाद महामार्गावरील घटना पोहणा : परस्पर विरोधी दुचाकी समोरासमोर धडकल्याने झालेल्या अपघातात एकाचा जागीच मृत्यू झाला तर दुसऱ्याला गंभीर अवस्थेत सावंगी येथे उपचारार्थ पाठविण्यात आले. ही घटना राष्ट्रीय महामार्ग क्रमांक ७ वर गांगापूर नजीक सकाळी घडली. निर्वास गजानन झिले (१६) रा. येरला असे जखमीचे नाव आहे. पोलीस सुत्रांनी दिलेल्या माहितीनुसार, येरला येथील निर्वास गजानन झिले हा वडनेर येथील नि.मु. घटवाई विद्यालयाचा अकराव्या वर्गाचा विद्यार्थी होता. तो एमएच २९ एक्स ८४०२ या क्रमांकाच्या दुचाकीने महाविद्यालयात जाण्याकरिता निघाला. दरम्यान खैरी- हिंगणघाट या बसला ओव्हरटेक करण्याच्या प्रयत्नात समोरून येणाऱ्या एमएच ३२ यु ५३८६ क्रमांकाच्या दुचाकीला धडक बसली. या धडकेत यात निर्वास गजानन झिले हा जागीच ठार झाला. तर दुसऱ्या दुचाकीवरील सुभाष विठ्ठल ताजणे (३८) हे गंभीररित्या जखमी झाले. त्यांना उपचाराकरिता सावंगी येथील रुग्णालयात पाठविण्यात आले आहे. त्यांची परिस्थिती चिंताजनक असल्याचे समजते. पोलिसांनी या घटनेची नोंद केली असून तपास सुरू आहे.(वार्ताहर)
दुचाकी धडकल्या; विद्यार्थी ठार
By admin | Updated: March 19, 2017 00:51 IST