देवळी : स्थानिक औद्योगिक वसाहतीतील महालक्ष्मी स्टीलला लोखंडी स्क्रॅबचा पुरवठा करणाऱ्या ट्रक चालकाच्या खून करून ट्रक पळविणाऱ्या आरोपींना अटक करण्यात देवळी पोलिसांना शनिवारी अटक करण्यात आली. रमेश शेषराव परतेकी (२८) व प्रशांत चौधरी (२५) दोन्ही रा. चणकापूर (खापरखेडा) अशी त्यांनी नावे आहेत. पोलीस सुत्रानुसार, स्थानिक औद्योगिक वसाहतीत महालक्ष्मी स्टील फॅक्टरीला लोखंडी स्क्रॅबचा पुरवठा करणाऱ्या ट्रकचा चालक रणजीतसिंग खूशवा याची हत्या करून ट्रक पळविण्यात आला होता. ही घटना दोन महिन्यांपूर्वी घडली होती. या प्रकरणाचा तपास सुरू असताना या चोरीतील ट्रक सावनेर येथे असल्याची माहिती पोलिसांना मिळाली. यावरून पोलिसांनी तपास केला आता असता या दोघांना अटक करण्यात आली. या प्रकरणी अटकेत असलेल्या दोघांनाही विचारणा केली असता त्यांनी या मार्गावर जात असलेल्या या ट्रकवर पूर्वीपासून नजर होती. घटनेच्या दिवशी मार्गावर ट्रक अडवून चालक खूशाबा यांना जबर मारहाण करून त्यांचा खून करण्यात आला़ त्याची हत्या करून घटनास्थळावरून ट्रक लंपास करून त्यातील माल परस्पर विकल्याची कबुली या आरोपींनी दिली. अटक करण्यात आलेल्या रमेश परतेकी व प्रशांत चौधरी या दोघांवर भादंविच्या कलम ३०२, ३६४, ३८२, २०१, १२० ब, ३४ अन्वये गुन्हा दाखल करून अटक करण्यात आली आहे.(प्रतिनिधी)
‘त्या’ खुनातील आरोपींना अटक
By admin | Updated: March 30, 2015 01:47 IST