अमेरिका-इस्रायल-इराण वॉरFOLLOW

- इस्माईल जहागीरदारवसमत (जि. हिंगोली ) : इराण- इस्रायल, अमेरिका युद्धाचा मोठा परिणाम येथील हळद व्यवसायावर झाला असून, दररोज या भागातून दुबईसह आखातातील इतर देशांमध्ये होणारी तब्बल ३०० टन हळदीची निर्यात ठप्प झाली आहे. ही निर्यात ठप्प पडल्याने हळदीच्या भावालाही फटका बसला आहे.हिंगोली जिल्ह्यात हळदीचे उत्पादन राज्यात सर्वाधिक आहे. वसमतच्या हळदीला देशासह परदेशात मोठी मागणी आहे. मागच्या काही दिवसांपासून इराण - अमेरिका, इस्रायल या देशांत युद्ध सुरू आहे. या युद्धाचा थेट फटका हिंगोलीकरांना सहन करावा लागतोय.पिवळे सोने म्हणून येथील हळदीची ओळख आहे. मात्र सध्या बाजारपेठेत बंदीचे सावट आहे. वसमत येथील मोंढ्यातून दररोज मोठ्या प्रमाणात हळद दुबईसह इतर आखाती देशांत निर्यात केली जाते. युद्धामुळे ही वाहतूक पूर्णतः कोलमडली आहे. वसमत येथील मोंढ्यातून यापूर्वी दुबईत दररोज १५ ते २० गाड्या (सुमारे ३०० टन) हळद दुबईला जात होती. एका गाडीतून २५ टन हळद निर्यात होते. आता ही निर्यात पूर्णत: बंद झाली आहे. सध्या केवळ बांगलादेशासाठी २ ते ३ गाड्या रवाना होत आहेत. निर्यात ठप्प झाल्याने व्यापारात मोठी घट झाली आहे. युद्धाच्या भीतीमुळे जागतिक बाजारपेठेत मागणी घटल्याने स्थानिक दरावर त्याचा गंभीर परिणाम झाला आहे. हळदीच्या प्रतिक्विंटल दरामध्ये २ हजार ते २ हजार ५०० रुपयांची मोठी घसरण झाली आहे. सध्या बाजारात हळदीला ११,५०० ते १३,५०० रुपये प्रतिक्विंटल भाव मिळत आहे. बाजारात हळदीची बोली लावण्यासाठी व्यापारी पुढे येत नाहीत. त्यामुळे आवक असूनही उठाव नाही, अशी सध्याची स्थिती आहे.वसमतच्या बाजार समितीत नांदेड, परभणी, हिंगोली या जिल्ह्यांसह शेजारील आंध्र प्रदेश आणि तेलंगणा राज्यातूनही शेतकरी हळद विक्रीसाठी येतात. वर्षभर कष्ट करून पिकवलेल्या मालाला योग्य भाव मिळण्याची अपेक्षा असताना, आंतरराष्ट्रीय राजकारणामुळे शेतकऱ्यांचे आर्थिक गणित कोलमडले आहे.सांगलीऐवजी आता वसमतचे नावहळद उत्पादनामध्ये यापूर्वी सांगली जिल्ह्याचे नाव घेतले जात होते. मात्र मागच्या काही वर्षांत जिल्ह्यात हळदीचे उत्पादन वाढले आहे. शिवाय या भागातील हळदीला देश-विदेशातून मागणी आहे. ‘वसमत हळद’ या नावाने येथील हळद देशभरात ओळखली जाते.तोडगा निघावा मागील आठवडाभरापासून निर्यात ठप्प झाली आहे. त्यामुळे मोठा आर्थिक फटका सहन करावा लागतो. मागणी असतानाही हळदीची निर्यात शक्य नाही. यात तोडगा काढणे गरजेचे आहे.- लक्ष्मीनारायण मुरक्या, व्यापारी

लाईव्ह न्यूज :

डॉ. बाबासाहेब आंबेडकर जयंती

आशाताई अनंतात विलीन

'होर्मुझ'चे पाणी पुन्हा पेटणार?

भोंदू खरातचे काळे कारनामे

IPL मधले 'धुरंधर' कोण?

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

अमेरिका-इस्रायल-इराण वॉरFOLLOW