समृद्धी महामार्गFOLLOW

आनंद डेकाटे/कमल शर्मानागपूर : नागपूर-मुंबई हिंदुहृदयसम्राट बाळासाहेब ठाकरे समृद्धी महामार्गाचे काम नागपूर जिल्ह्यात पूर्ण झाले आहे. लोकार्पणाच्यापूर्वीच वाहनेही धावू लागली आहेत. दरम्यान, लोकार्पणाची तयारीही सुरू झाली आहे. परंतु समृद्धी महामार्ग जेथून सुरू होतो, त्या शिवमडका येथील एन्ट्री पॉईंटपर्यंत पोहोचणे मात्र कठीण काम आहे. ती समस्या लवकर संपण्याची शक्यताही नाही. कारण शिवमडकापर्यंत पोहोचण्याचा रस्ता पूर्ण व्हायला अजून १८ महिने लागण्याची शक्यता आहे.शिवमडकासाठी वर्धा रोडसह हिंगणा रोडकडून आऊटर रिंगरोडच्या माध्यमातून पाेहोचता येते. ‘लोकमत’चा चमू जेव्हा समृद्धी महामार्गाची पाहणी करण्यासाठी या रस्त्यावर पोहोचला तेव्हा हा रस्ता अतिशय दयनीय अवस्थेत दिसून आला. वर्धा रोडवरून किमान ३ किमीचा रस्ताच व्यवस्थित आहे. नॅशनल कॅन्सर इन्स्टिट्यूटनंतर तर रस्ताच नाही. कुठे-कुठे काम सुरू आहे. जेसीबीपासून अनेक रोडरोलर रस्त्यावर काम करीत आहेत. पूर्ण रस्त्यावर मातीचे ढीग पसरले आहेत. दुसरीकडे हिंगणा रोडकडून येणारा रस्तासुद्धा फारसा चांगला नाही. जागोजागी खड्डे आहेत. आऊटर रिंगरोडचे काम करीत असलेल्या एनएचएआयच्या सूत्रानुसार आऊटर रिंग रोडअंतर्गत या रस्त्याचे काम ज्या कंपनीकडे सोपवण्यात आले होते, ती कंपनी वेळेत काम पूर्ण करू शकली नाही. त्यामुळे तिची बँक गॅरंटी जप्त करण्यात आली असून, नवीन कंपनीकडे काम सोपवण्यात आले आहे. या कंपनीने महिनाभरापूर्वीच काम सुरू केले आहे. काम पूर्ण व्हायला जवळपास १८ महिने आणखी लागतील. त्यामुळे साहजिकच समृद्धी महामार्गापर्यंत पोहोचण्यासाठी वाहनचालकांना चांगलीच कसरत करावी लागणार आहे.एका महिन्यापूर्वीच सुरू झाले कामएनएचएआयचे म्हणणे आहे की, या रस्त्याचे काम तांत्रिक कारणांमुळे थांबले होते. एका महिन्यापूर्वीच काम सुरू झाले आहे. कामाला गती देण्याचा पूर्ण प्रयत्न केला जात आहे. परंतु हे काम कधी पूर्ण होईल, हे आताच सांगता येणार नाही.बुटीबोरी एंट्री पॉईंटजवळची परिस्थितीही सारखीचबुटीबोरी एंट्री पॉईंटजवळसुद्धा समृद्धीला जोडणाऱ्या रस्त्याची परिस्थिती सारखीच आहे. बुटीबोरीकडे जाणाऱ्या रस्त्याचे काम सुरू आहे. जवळपास ३०० मीटरच्या रस्त्यावर माची व गिट्टी टाकलेली आहे. येथे काम सुरू असल्यामुळे सातत्याने धूळ उडत असते.

लाईव्ह न्यूज :

भारत-पाकिस्तान युद्धजन्य परिस्थिती

पाकिस्तान सुधरेना... भारताचा 'करारा जवाब'

सीमेवर 'ब्लॅक आउट'

PM नरेंद्र मोदी

पुणे अपडेट्स

IPL चा 'रन'संग्राम

मुंबई बातम्या

CM देवेंद्र फडणवीस

नागपूर

छ. संभाजीनगर

एकनाथ शिंदे

शहरं

मनोरंजन

व्हिडीओ

समृद्धी महामार्गFOLLOW

Read more

महाराष्ट्र : समृद्धी महामार्गावर कौशल्य विकास केंद्र; रोजगारासाठी स्थानिकांना प्रशिक्षण

छत्रपती संभाजीनगर : औरंगाबाद जिल्ह्यात तीन ठिकाणी होणार कौशल्य विकास केंद्र

छत्रपती संभाजीनगर : समृद्धीच्या कामात भेगा; महत्त्वाकांक्षी प्रकल्पाच्या गुणवत्तेवर प्रश्नचिन्ह

यवतमाळ : भूसंपादन अपिलाची शेकडो प्रकरणे एकाच वकिलाकडे

छत्रपती संभाजीनगर : समृद्धी महामार्गाच्या कामाला पुन्हा गती; जिल्ह्यातील काम वर्षभरात पूर्ण होण्याची अपेक्षा

अमरावती : समृद्धी महामार्गाच्या कामाने रस्त्यांची दैना

छत्रपती संभाजीनगर : 'समृद्धी'च्या कामावर पावसाच्या पाण्याचे नियोजनच नाही; शेकडो हेक्टरचे नुकसान

नाशिक : समृद्धी महामार्गप्रश्नी दुशिंगपूरच्या शेतकऱ्यांनी उपोषण थांबविले

अमरावती : समृद्धीच्या कामात अवैध उत्खनन

बुलढाणा : कामगार स्थलांतरामुळे विकास कामे अडचणीत