गाझा अटॅकFOLLOW

Israel Hamas War, Iran vs America USA: इस्रायल आणि हमास यांच्यातील युद्ध प्रचंड तीव्र होताना दिसत आहे. तब्बल २१ दिवसांपासून हे युद्ध सुरू आहे. या युद्धात दोन्ही बाजूंना वेगवेगळ्या देशांकडून पाठिंबा मिळताना दिसत आहे. गाझा पट्ट्यात सुरू असलेल्या या युद्धाची झळ अनेकांना बसली आहे. तशातच इराणचे परराष्ट्र मंत्री होसेन अमीर अब्दुल्लायन यांनी अमेरिकेला खुला इशाराच दिला आहे. गाझामध्ये सुरू असलेली लढाई तात्काळ थांबली पाहिजे. लढाई थांबवली नाही तर ती पॅलेस्टाईनच्या बाहेर पसरू शकते, असे ते म्हणाले आहेत. तसेच, जर युद्ध सुरू राहिले तर अमेरिका देखील त्या युद्धाच्या वणव्यातून स्वत:चा बचाव करू शकणार नाही, असा इशाराच इराणच्या परराष्ट्रमंत्र्यांनी अमेरिकेला दिला आहे.इराणच्या परराष्ट्रमंत्र्यांनी गुरुवारी 193 सदस्यीय संयुक्त राष्ट्र महासभेच्या बैठकीत ही माहिती दिली. इराणला शांतता हवी आहे, असे म्हणत हुसेन अमीर अब्दुल्लायन यांनी गाझा पट्टीवर इस्रायलने केलेल्या बॉम्बहल्ल्यांवर टीका केली. आम्ही कुठेही युद्धाच्या व्याप्तीचे स्वागत करत नाही. आम्ही मानवतावादी प्रयत्नांमध्ये आमची भूमिका बजावण्यासाठी तयार आहोत. अशा परिस्थितीत गाझा पट्टीतील पॅलेस्टाइनच्या नागरिकांवर इस्रायलची कारवाई तात्काळ थांबली पाहिजे, अशी आमची इच्छा आहे. अब्दुल्लायन पुढे म्हणाले की, मी अमेरिकन राजकारण्यांना अगदी स्पष्ट शब्दात सांगू इच्छितो की आज तुम्ही पॅलेस्टाईनमध्ये सामान्य लोकांच्या नरसंहाराला प्रोत्साहन देत आहात. गाझामध्ये नरसंहार सुरूच राहिला, तर या युद्धाची झळ तुम्हालाही बसल्याशिवाय राहणार नाही, हे तुम्ही समजून घेतले पाहिजे.ओलिसांची सुटका करण्यास हमास तयार- इराणचे परराष्ट्र मंत्रीओलिस ठेवलेल्या नागरिकांना सोडण्यास तयार असल्याचे हमासने इराणला सांगितले आहे, असेही अमीर अब्दुल्लायन म्हणाले. यासोबतच इस्रायलच्या तुरुंगात कैद असलेल्या ६ हजार पॅलेस्टाइन नागरिकांच्या सुटकेसाठीही जगाने दबाव आणला पाहिजे. ही जागतिक स्तरावर सर्वांची जबाबदारी आहे. ते म्हणाले की, इराण, कतार आणि तुर्कीसोबत मिळून या महत्त्वपूर्ण मानवतावादी प्रयत्नात आपली भूमिका बजावण्यास तयार आहे. पण अमेरिका आणि इस्रायलने गाझामधील नरसंहार ताबडतोब थांबवला नाही तर काहीही घडू शकते. गाझामधील सामान्य लोकांवर बॉम्बफेक सुरू राहिल्यास संपूर्ण प्रदेश नियंत्रणाबाहेर जाईल. ज्याचे परिणाम दूरगामी आणि अत्यंत वाईट असतील.

लाईव्ह न्यूज :

स्वातंत्र्य दिन विशेष

लाल किल्ल्यावरून PM मोदी...

भारत.. ट्रम्प.. पाकिस्तान

'मतचोरी'वरून राजकीय मारामारी

CM देवेंद्र फडणवीस

पालिकांसाठी ठाकरेंचं ठरतंय!

लोकमत ई-पेपर

शहरं

मनोरंजन

व्हिडीओ

गाझा अटॅकFOLLOW

गाझा पट्टी एक पॅलेस्टाईनंचं क्षेत्र आहे. याचा दक्षिणेकडील भाग इजिप्तशी जोडलेला आहे. अन्य भाग इस्रायला लागून आहे.

Read more

आंतरराष्ट्रीय : मोबाईल ऐवजी लँडलाईनचा वापर… हमासच्या २ वर्षांच्या प्लॅनिंगसमोर मोसाद ठरले अपयशी!

आंतरराष्ट्रीय : हल्ले वाढले, २ ओलीस सुटले; गाझावर इस्रायली हवाई मोहीम तीव्र, २४ तासांत ७०० हून अधिक मृत्यू

आंतरराष्ट्रीय : इस्रायलला ‘मर्यादे’चे डोस, मानवतेचाही विचार करा; अमेरिका, ब्रिटन, फ्रान्ससह ५ देशांची सूचना

आंतरराष्ट्रीय : इस्रायलने गाझामधील ३२० ठिकाणांवर केले हल्ले; ७० जणांचा मृत्यू झाल्याचा हमासचा दावा

आंतरराष्ट्रीय : गाझा रिकामे करा, अन्यथा...; इस्रायलचा पॅलेस्टिनी नागरिकांना इशारा, विमानातून अरबी पत्रके

आंतरराष्ट्रीय : गाझा: अडकलेल्यांना मदतीचा ओघ सुरू; इजिप्तची सीमा शनिवारी झाली खुली

आंतरराष्ट्रीय : हमासचा नायनाट होणार? ३ लाख सैनिक आणि रणगाडे सीमेवर दाखल, फक्त एका आदेशाची वाट

आंतरराष्ट्रीय : Israel-Hamas war : गाझामध्ये सध्या २०३ इस्रायली ओलीस, ३०६ सैनिकांचा मृत्यू; हमासने इस्रायलला दिला मोठा धक्का

आंतरराष्ट्रीय : Israel-Hamas War : एका सैनिकाच्या बदल्यात १००० कैदी, काय आहे इस्रायलची कमजोरी? ज्याचा हमास घेतंय फायदा!

आंतरराष्ट्रीय : इस्रायलला पाठिंबा अन् गाझाला 100 मिलियन डॉलर्सची मदत... काय आहे ज्यो बायडन यांचा प्लॅन?